Ky në videon e mëposhtme, është momenti kur studentë dhe aktivistë të Lëvizjes Për Universitetin shpalosin banderolën kundër zhvatjes së studentëve, nga dritaret e godinës së Fakultetit të Shkencave të Natyrës.
“Mr 700 euro. Boll i zhvatët studentët”, shkruhet në këtë banderolë.
Në një postim në rrjetet sociale, Lëvizja për Universitetin shkruan:
“Në vijim të aksioneve ndërgjegjësuese për problematikat e jetës universitare, sot u mbajt aksioni i radhës në Fakultetin – famëkeq – të Shkencave të Natyrës. Aksioni nuk denoncon vetëm zhvatjen që iu bëhet studentëve nga tarifat e larta të studimeve, por edhe zhvatjen me tregtinë e pandershme të librave, dhe më keq akoma në disa raste edhe zhvatjen e studentëve nga disa pedagogë super të korruptuar që shesin me qindra euro një notë provimi.
Aksionet tona do të vazhdojnë derisa të marrin fund tarifat dhe çdolloj haraçi në kurriz të studentëve”.
Studentët nuk kanë publikuar asnjë emër të pedagogut që merr një shumë të tillë eurosh vetëm për një provim.
Duhet të jeni i kyçur në mënyrë që të mund të lini një koment Kyçu