10 qytetet më të mira për të jetuar

Për The Economist, qyteti australian i Melburnit është vendi ku jetohet më mirë në botë. Renditja bazohet në parametrat e rendit publik, shërbimeve sanitare, kulturës, ambjentit, sistemit arsimor dhe infrastrukturës. Australia dominon klasifikimin e vendeve ku jetohet më mirë me 4 qytete në këtë renditje, e ndjekur nga Kanadaja me 3.

1.Melburn, Australi

Melburni është një qytet multikulturor dhe qënder e padiskutueshme kulturore ndërkombetare.  Eshtë një nga destinacionet perfekte të vendit. Ndodhet në brigjet e lumit Yarra, është një nga qytet më të mrekullueshme të Australisë. Këtu cdo gjë, duke nisur nga karakteri multikulturor, perlat arkitektonike të stilit antik dhe modern, rruget elegante, parqet dhe kopshtet me lule deri tek ofertat kulturore të nivelit të lartë, e bejne Melburnin një nga qytetet më entuziaste dhe të gjalla në botë.

2.Vienë, Austri

Vendi më i mirë në botë për të jetuar është pikërisht kryeqyteti i Austrisë. Në këtë vlerësim kanë ndikuar shumë faktor: Stabiliteti politik, Sistemi i transportit, klima perfekte në të katër stinët, e shumë të tjera. Ajo ka GDP më të lartë për frymë ndërmjet qyteteve austriake, me mbi  55.000 dollarë. Aftësia e Vjenës për të transformuar infrastrukturën e vjetër në banesa moderne fitoi në 2010 çmimin e Kombeve të Bashkuara të planifikimit urban për përmirësimin e kushteve të jetesës së banorëve të saj. Vjena është gjithashtu destinacioni nr. 1 në botë për konferenca, duke tërhequr 5 milionë turistë në vit, ekuivalente me 3 turistë për çdo banor.

3.Vankuver, Kanada

Vancouver ka marrë pikët të larta për ndërthurjen e mirë midis stabilitetit dhe infrastrukturës. Vankuver është qyteti i vetëm kanadez dhe i Amerikës Veriore pjesë e këtij klasifikimi. Një prej qyteteve me klimën më të butë në Kanada. I rrethuar nga uji dhe male me dëborë, autoritetet promovojnë gjithmonë iniciativat e gjelbërta, me synimin për tu bërë qyteti më i madh i gjelbër deri në vitin 2020.

4.Toronto, Kanada

Toronto është qyteti më i madh i Kanadasë dhe kryeqyteti i provincës Ontario. Ndodhet buzë liqenit të Ontarios. Në Toronto banojnë 4.203.281 veta. 49% e njërzve në Toronto kanë lindur jashtë Kanadas. Qytet i zhvilluar dhe me një infrastrukturë të rregulluar shumë mirë. Qytet kanadez, me standarde shumë të larta, me sistem të mrekullueshëm arsimor dhe shëndetësor.

5.Calgary, Kanada

Kalgari, është një ndër qytetet të cilat kanë ruajtur pozicionet e vitit të kaluar. Qyteti ka një sipërfaqe 726.5 km² dhe popullsi 1042892 banorë.

6.Adelaide, Australi

Adelaide, renditet në dhjetëshen më të mirë të qyteteve për të jetuar, duke u përkufizuar si “qyteti shik me natyrën e tij, është si një verë e ruajtur mirë, gati për tu hapur dhe për tu provuar”.

7.Sidnei, Australi

Sidnei është një qytet në Australi dhe kryeqyteti i shtetit federal Neë South Ëales dhe është qyteti më i banuar në Australi me mbi 4.2 milion banorë (sipas statistikave të viti 2006). Vitin e kaluar ishte në pozitën e 7. Indeksi i kostos së jetesës 137.

8.Helsinki, Finlandë

Helsinki është kryeqyteti dhe qyteti më i madh i Finlandës. Ai ndodhet në rajonin e Uusimaa, në Finlandën jugore, në bregun e Gjirit të Finlandës, një krah i Detit Balltik. Helsinki ka një popullsi prej 614.074 banorë (31 janar 2014). Helsinki është qendër e madhe politike, arsimore, financiare, kulturore dhe kërkimore e Finlandës, si dhe një nga qytetet kryesore të Evropës veriore. Përafërsisht 70% e kompanive të huaja që operojnë në Finlandë ndodhen në zonën e Helsinkit. Bashkia pranë e Vantaa është vendi i Aeroportit të Helsinkit, me shërbime të shpeshta në destinacione të ndryshme në Evropë dhe Azi.

9. Perth, Australi

Perth është një qytet i bukur në Australi, ku jetesa është mjaft e lehtë. Qyteti ka mundësi të shumta zhvillimi, punësimi dhe arsimimi.

10.Auckland, Zelanda e Re

Qyteti më i madh dhe më i populluar në Zelandën e re. Auckland ofron kualitetin më të mirë të jetës në rajonin e aziatik të paqësorit. Auckland ka një vendosje unike, në mes të dy porteve, 11 vullkaneve të zhdukura dhe ishujve të shumta duke e bërë atë qytet më të madhin në botë për pronësinë e varkave për person. Auckland është qyteti me numrin më të madh të banorëve të shkolluar në vend, ku më shumë se 37% e popullisë kanë një kualifikim Bachelor ose më lartë.Një qytet me pamje që të lë pa frymë, plazhe mahnitëse, ishull  i përsosur për pushime dhe me një ushqim të mrekullueshëm. Aukland, ka një jetë natë të përsosur, vend i mirë për blerje e tregëti, si dhe klimë shumë të mirë.