Matura 2018 / Gabimet që nuk duhet t’i bëni në provimet e maturës

Pak ditë para nisje së provimeve të Maturës 2018, ministrja e Arsimit, Sportit dhe Rinisë, Lindita Nikolla u ka bërë thirrje maturantëve që të kenë kujdes me kopjet, apo telefonat në provime sepse do të penalizohen. Ndëshkime të cilat nuk do të prekin vetëm një provim, por të gjithë vitin.

Në këto kushte, kushdo që tenton të kopjojë, apo të shkelë rregullat e provimit, rrezikon të mbetet jashtë garës për vijimin e studimeve të larta në një nga fakultetet publike, apo private të vendit përgjatë vitit të ri akademik 2018-2019, shkruan Dita.

Maturanti/kandidati përjashtohet nga provimi kur:

• Ndryshon vendin që i është caktuar.

• Merr, jep informacion apo kopje, ose komunikon me maturantë/kandidatë të tjerë.

• Bën komente për përmbajtjen ose zgjidhjen e testit.

• Mban telefon celular, radio ose çdo mjet tjetër komunikimi në mjedisin e provimit.

• Refuzon kontrollin nga ana e administratorëve gjate hyrjes në qendrën e provimit.

 Maturantit nuk i njihet rezultati:

• Nëse përdor laps, stilolapsa me ngjyra jo si atë të përcaktuar në rregulloren e provimit.

• Nëse ka hequr ose dëmtuar kodin e sekretimit të testit (barkodin).

• Nëse ka dëmtuar testin (palosur, zhubrosur, grisur, vendosur shenja të dallueshme dhe të veçanta), të evidentuara në procesverbal.

• Nëse vërtetohet kopja, e pjesshme, ose e plotë, gjatë procesit të vlerësimit dhe konfirmohet nga KOPOTED.

• Nëse është marrë masa e p€rjashtimit nga provimi.