Alarmi i studiuesit: Ç’punë ka presidenti i Turqisë të ndërtojë xhami në Shqipëri

Studiuesi dhe intelektuali Piro Misha, ka folur në emisionin KAPITAL në Vizion Plus në lidhje me rrezikun e politizimit të fesë në Shqipëri dhe ndikimin rus.

Ndër të tjera ai u shpreh: “Në Shqipëri flitet shumë për përpjekje të Rusisë për të shtrirë ndikimin e saj këtu te ne, por mendoj se nuk ka ndonje rrezik të madh, kjo për shkak të arsyeve historike, për shkak të raporteve që kemi pasur historikisht me Rusinë, për shkak të një dyshimi që shqiptarët kanë ndaj Rusisë. Nuk mendoj se duhet ta ekzagjerojmë. Ne jemi pjese e bllokut perendimor, jemi vend anëtar në NATO”.

“Ajo që quhet propaganda ruse, përmes rrjeteve sociale, përmes fake neës, ndihet edhe te ne. Por jo ne kuptim te ndikimit te drejtperdrejte politik, kjo do te ishte e ekzagjeruar te diskutohej. Por ama permes minimit te besimit te publikut te sistemi perendimor, te demokracia liberale, te vlerat qe perfaqson perendimi”, ka shtuar më tej Misha.

I pyetur më tej se ku e shohim këtë, ai është përgjigjur, “Shpesh edhe ne televizionet serioze shohim lajme me reference nga Russia Today apo Sputnik te transmetuara pa filter. Nuk mendoj se Rusida duhet te injorohet, Rusia eshte nje vend i madh, ka nje trashegimi kulturore, historike. Por Shqiperia sot eshte pjese e nje blloku qe eshte kundershtar me Rusine. Kur flitet per rrezikun rus, nuk eshte fjala per rrezikun klasik te pushtimit, por per minimin e projektit politik qe eshte integrimi ne BE.”

Sa i përket rolit të Turqisë në Shqipëri dhe nëse duhet të shqetësohemi për këtë fakt, studiuesi Misha është shprehur, “Në këtë shtrirje me duken marrezira thirrjet per te frenuar investimet turke. Por nga ana tjeter kemi realisht nje problem. Sepse prej vitesh Turqia po perpiqet qe te konkuroje me projektin europian ne rajonin tone. Neqoftese Shqiperia ka nje projekt europian dhe nje shtet tjeter perpiqet ta sabotoje kete projekt, atehere te pakten duhet te jemi te vetedijshem per kete realitet.”

Sipas z. Misha ka dy instrumenta problematike te cilet i përdor aktualisht qeveria turke. Se pari, Turqia po perdor politizimin e fese islame. Kjo kuptohet po te shikosh gjuhen qe perdor presidenti Erdogan. Ky politizim i fese ne Shqiperi mund te kishte pasoja katastrofale.

“Do ishte e rrezikshme nese feja do te perdorej si nje faktor politik, si faktor mobilizimi ne nje vend si Shqiperia ku harmonia fetare eshte nje vlere, ne nje vend qe eshte pranuar se eshte nje model I bashkeekzistences se besimeve te ndryshme fetare. C’pune ka presidenti I Turqise te ndertoje nje xhami 30 milion dollareshe ne Shqiperi?”—thekson studiuesi Piro Misha.

“ Se dyti, Turqia perpiqet te rindertoje ne menyre virtuale hapesiren otomane. Presidenti Erdogan sot identifikohet me ideologjine e Vellazerise Islamike. Vellazeria islamike dihet qe kerkon islamizimin e shoqerise, kerkon qe shoqeria dhe politika te drejtohen nga rregullat e nje feje. Kjo eshte ajo qe po kerkon te beje sot ne Turqi Erdogani. Per Shqiperine nje gje e tille do te ishte katastrofe. Shteti shqiptar eshte ndertuar mbi nje premise: Feja e shqiptarit eshte shqiptaria. Keshtu eshte qe nga koha e Rilindjes kombetare, qe nga Lidhja e Prizrenit”—thote nder te tjera Piro Misha në KAPITAL.