Çfarë do shohësh në tavolinat e bar kafeneve në Shqipëri

Nga Anisa s. Kushta

Çfarë do shohësh në tavolinat e bar kafeneve në Shqipëri:
-3 çifte që bashkojnë 2 tavolina dhe ulen, burrat që do flasin për situatën politike në një anë e gratë që do flasin për fëmijët dhe receta gatimesh, në anën tjetër
-1 çift burrë e grua, të rinj, që kanë 1 fëmijë 2 vjeç që ulëret se do të shohë gjëra në youtube
-3 shokë, 18 a 19 vjeç maksimumi, që tallin me ca shaka idiote dhe qeshin me zë të hollë të shpifur shokun tjetër që sapo ka hyrë në lokal dhe drejtohet drejt tyre duke qeshur si budalla gjithashtu
-4 shokë që po zihen kush do paguajë dhe kamarieri në këmbë që këndon me vete ‘Zot ku më hodhe!’
-njërin që është ulur vetëm dhe sheh nga dritarja se mos i ngacmojnë makinën se e ka parkuar keq
-2 goca që kanë para një laptop dhe po punojnë për një projekt
-1 çift që bëjnë selfie nën urdhërat e vajzës, sigurisht, e cila e poston me hashtagun ‘feeling loved’ ndërkohë që ai djali më shumë se loved ndihet i bezdisur dhe po këndon me vete këngën që po këndonte kamarieri
-2 apo 3 veta të një familje, mund të jenë vëlla e motër, 2 vëllezër, 2 motra, vëlla e motër me mamin, nuk e di, por secili i ka ngulur sytë telefonit derisa ai që i lodhet zverku i pari thotë ‘e, a çohemi ikim në shpi?’
-1 familje që ka dalë për kafe me një familje tjetër dhe këta që dukshëm do paguajnë i ofrojnë këtyre të tjerëve të marrin nga një lëng me kanaçe, leku letër për ju dmth, nuk pyesim për shpenzime.
-pronari i lokalit që ulen me ca shokët e vet që ulen gjithnjë afër banakut, dhe ndonjëherë marrin salçiçe, djath, dhe në fund…
-UNË, QË JAM DUKE JU VËZHGUAR!