Cilën detyrë shtëpie kemi plotësuar e dashur qeveri shtet-rrethuese??

Cilën detyrë shtëpie kemi plotësuar e dashur qeveri shtet-rrethuese??

Nga Ardit Haxhija

Prof. Në universitetin Amerikan / Middle East University

1. Atë të tentativës për ndarjen e Kosovës?

2. Atë të shengenit jugosllav?

3. Atë të taksës Durrës -Kukës?

4. Atë të koncensioneve të pafundme.

5. Atë të autostradave 20 milion euro km2.

6. Atë të Rinasit me biletat më të shtrenjta në rajon.

7. Atë të mbi 200 mijë të larguarve (të gjithë të rinj e të reja)

8. Atë të parlamentit më qesharak në historinë e Shqipërisë.

9. Atë të ministrave më qesharakë.

10. Atë të deputetëve injorantë.

11. Atë të deputetëve kriminelë.

12. Atë të ministrave të përfshirë direkt në trafik droge.

13. Atë të ministrave të përfshirë direkt në vjedhje votash.

14. Atë të zgjedhjeve me 1 parti.

15. Atë të bandave që zotërojnë shtetin.

16. Atë të vrasjeve pa autor.

17. Atë të shembjes së teatrit, objekt trashëgimie.

18. Atë të kthimit të stadiumit kombëtar në qendër tregtare.

19. Atë të shembjes së pallatit të kundërshtarit dhe dëmshpërblim miliona euro për pazare të ndyra.

20. Atë të një ndër vendeve më të varfra dhe të korruptuara në Europe.

I dashur Macron, e dashur Francë, fort e dashur Europe,  ne shqiptarët jemi të vetëdijshëm që nuk kemi plotësuar shumë prej kushteve për të qenë pjesë e familjes europiane ketu e 30 vite. Ne jemi fort të vetëdijshëm që vendi ynë është ndarë në 4 principata ku secili ka shtrirë sundimin e tij feudal. Ne si komb jemi të vetëdijshëm që na kanë grabitur e na kanë marrë peng një grusht barktharësh. Ne jemi të vetëdijshem për të gjitha këto, prandaj e vetmja shpresë është tek JU, për të na pranuar kështu sic jemi, që pastaj të fillojmë rrugën tonë europiane.

Ama ne shqiptarët jemi fort të vetëdijshëm që si njerëz e meritojmë Europën të paktën sa rumunët apo bullgarët. Jemi lindur me Europën, jemi rritur me Europën, ëndërrojmë Europën, na lini të jetojmë Europën.

Fort e padashur qeveri, e vetmja detyrë shtëpie që keni kryer është arroganca feudale me të cilën i jeni qasur Europës. Sigurisht që jeni të vetëdijshëm për të gjitha këto, dhe brenda vetes jeni shumë të gëzuar për mospranimin europian, pasi ajo është e vetmja mënyrë që të zgjasni sundimin tuaj feudal. Eshtë e vetmja mënyre që të pengoni fundin e sundimit tuaj. Europa ju tmerron po aq sa gjykatat e rregullta qe po beni çmos t’i pengoni./Podiumi.com