Cukali: Jemi në shoqërinë e 1-shit, askush nuk do guxojë të kundërshtojë “paketën antishpifje”

“Unë nuk besoj te parlamentarët tanë. Jemi në shoqërinë e 1-shit dhe të gjithë mund të ndryshojnë vetë por vetëm po ndryshoi 1-shi. Asnjë nga ata nuk ka guxim që të thotë një opinion të vetin përfshi dhe zotin Musa Ulqini që dikur ka qenë pro medias së lirë. Është e çuditshme se si shumë njerëz nga krahu jonë kaluan shumë shpejt në krahun tjetër”.

I ftuar nga gazetari Enkel Demi ishte Drejtori Ekzekutiv i Këshillit Shqiptar të Medias Coloreto Cukali. Cukali u shpreh se ligji antishpifje përbën kërcënim të fjalës së lirë dhe censurë.

Për Cukalin nuk do të ketë diçka të jashtëzakonshme ditën e sotme gjatë votimit të paketës antishpifje sepse ajo do të votohet nga parlamenti, “Jemi në shoqërinë e 1-shit dhe të gjithë mund të ndryshojnë vetë por vetëm po ndryshoi 1-shi”, u shpreh Cukali.

“Unë nuk besoj te parlamentarët tanë. Jemi në shoqërinë e 1-shit dhe të gjithë mund të ndryshojnë vetë por vetëm po ndryshoi 1-shi. Asnjë nga ata nuk ka guxim që të thotë një opinion të vetin përfshi dhe zotin Musa Ulqini që dikur ka qenë pro medias së lirë. Është e çuditshme se si shumë njerëz nga krahu jonë kaluan shumë shpejt në krahun tjetër”.

Enkel Demi: Musa Ulqini në fakt ka qenë gazetar i vjetër dhe është njeri me integritet por pastaj është marrë me polititikë..

Coloreto Cukali: Integritetin ta tregojë te vota, jo në kafene dhe mos të marrë përsipër të votojë atë lloj ligji. Integriteti njeriut këtu tregohet. Nuk pres sot që dikush të dalë aty dhe të thotë që ky ligj nuk bën madje disa prej tyre po bëjnë propagandë dhe po gënjejnë në mënyrë të pafytyrë me argumentet që sjellin.

Enkel Demi: Pas votimit në parlament ligji do të kalojë për firmën e presidentit i cili nuk do ta firmosë, kjo është e sigurtë./abcnews