Analisti dhe profesori Agron Gjermarkaj shprehet se Edi Rama është kryeministri me bilancin më të dobët në këto 30 vite, ndërsa tërmetin e ka konsideruar aleat të qeverisë.

I pyetur në rubrikën “Opinion” në News24 nëse ka gabuar opozita më protestat që zhvilloi, Gjekamrkaj shprehet se protestat e opozitës kanë qenë masive dhe e kanë bërë efektin e tyre.

Por problemi sipas Gjekmarkajt qëndron tek fakti që pas kësaj, opozita pas fazës së revolucionit demokratik, ka kaluar në një fazë heshtje.

Gjekamarkaj: Ndërkombëtarët e kanë të vështirë të analizojnë realitetin këtu. Ata e kanë të vështirë të kuptojnë djegien e mandateve. Por as pjesën tjetër që vidhen dhe blihen vota, nëse ata do të gjuanin mbi opozitën dhe qeverinë, mbase do të kishte një realitet tjetër. Kjo çoi në ato protesta. Kulimi shëmtisë, janë votimet e 30 qershorit, të cilat krijuan një precedent të pazakontë. Votimet u kontestuan nga OSBE/ODIHR, për mënyrë si u administruan nga KQZ, pati pastaj akte në këtë proces që e bënë qesharak, skena gati estrade, në të njëjtën gjë edhe tragjike për menaxhimin e rregullit demokratik në Shqipëri.

Pas tërmetit është përjashtimi nga procesi i integrimit, dhe refuzimi francez dhe holandez.  Duket që tërmeti është bërë një aleat të qeverisë. Një nga problemet e opozitës, është inkoherenca që ka dëshmuar mes fjalëve dhe akteve. Njerëzit opozitës i janë përgjigjur të shumtë, sepse protesta e opozitës kanë qenë masive dhe në këtë aspekt ata e kanë bërë efektin e tyre. Pas kësaj, opozita pas fazës së revolucionit demokratik, ka kaluar në një fazë heshtje.

Ndodhi mesa shohim se i ka mpirë të gjithë tërmeti, duke lënë politikën pak mënjanë.  Nuk e di nëse opozita  po merret me veten, por do të ishte jetike  të merrej. Opozita duke parë zhvillimet politike, gjërat që kanë ndodhur, krizat, thyerjet, si e vetmja shpresë për rrotacion mbetet opozita. Ajo duhet të hapet, duhet të luftojë me programe. Ndryshe në këtë vend as nuk vjen ndryshimi, por as nuk ka shpresë. Me presidentin duket se lufta është më e zbehtë, por nuk është e thënë që të mos rindizet. Presidenti po bën një përpjekje për t’i qëndruar, disa herë e shoh të rrëshqas në terminologji folklorike, sepse Ramës është e kotë t’i përgjigjesh kështu.

Atij duhet t’i përgjigjesh me seriozitet. Nuk mbaj mend një paradoks si ky aktuali, një kryeministër që ka kaq dështime, i cili çdo gjë e mbështet mbi propagandën, njerëzit ikin. Është shndërruar në psikozë, ekonomia është ku thërret qameti. Unë nuk shoh një kryeminstër me bilanc më të dobët në këto 30 vite. Nga 2020, pres që të këtë më shumë arsye, të kultivojnë besim ndaj njerëz tjetrës dhe të ketë një reformë zgjedhore që të japë garanci maksimale për një proces të lirë dhe të ndershëm. Vendosja në krye të SPAK, një hetues të komunizmit, ti shton më tej marazet për këtë drejtësi.