Shpella e Gadimës është shpellë karstike në Kosovë, në Lindje të Fushës së Kosovës, 3 km nga rruga Prishtinë-Shkup, në afërsi të Lipjanit, në fshatin e Gadimës së Poshtme.

Njihet ndryshe si “Shpella e Mermertë”, e formuar nga veprimtaria tretëse e ujit mbi mermerin dhe si e tillë mund të jetë e vetmja që njihet në botë.

Shpella ndahet në katin e mesëm që është për vizitorët, katin nënujor dhe katin e sipërm.

Përbëhet nga korridore, galeri e salla të mbushura me shtylla, kolona dhe shumë stoli të tjera me bukuri të rrallë.

Janë hulumtuar rreth 1500 m, që përbëjnë vetëm një pjesë të vogël të saj.

Shpella ka vlera shkencore dhe turistike.