Coronavirus “zhvlerëson”futbollin! Nga Hazard, Mane’, Neymar dhe Pogba

Efektet e pandemisë po ndjehen në të gjithë sported por më shumë mbi futbollin, që sheh të ulet vlera nga dita në ditë

Futbolli është ndalur tashmë prej më shumë se dy muajsh për shkak të pandemisë që po kërcënon globin dhe kjo pos jell ndryshime të imponuara në botën e sportit më popullor, nga pikëpamja ekonomike. Nga një anë, janë skuadrat që po fitojnë thuajse zero para, madje po humbin miliona nga Covid-19, e nga ana tjetër janë futbollistët që po zhvlerësohen dita ditës për shkak të “Pit stop”të detyruar nga emergjenca.

Në një studim së fundmi, vlera e lojtarëve anembanë globit ka rënë mesatarisht 20% në krahasim me verën e vitit 20019, dhe këtu bëjnë përjashtim futbollistët e lindur nga viti 1998 e më sipër, për të cilët zhvlerësimi është në masën 10%. Duke përmendur emra të kampionëve të kalibrit ndërkombëtar, renditim futbollistë si De Bruyne, Mané, Neymar, Sterling (të zhvlerësuar minimalisht nga 30 milionë Euro), Hazard (belgu tani kushton 40 milionë më pak), por gjithashtu dhe emra si Bale, Mbappé, Pogba.

Nuk i shpëton uljes së ndjeshme të kartonit në treg, edhe argjentinasi Lionel Messi që nëse dikush e paguante 200 milionë, tani jep më së shumti 150. Diçka është e sigurt: E ardhmja rezervon një merkato “low cost” dhe pa shpenzime edhe për ata të mësuar të “thyejnë bankat”.

Mes futbollistëve që kanë pësuar një zhvlerësim të madh është dhe braziliani Lucas Paquetá. Por në këtë rast coronavirus ka vetëm gjysmën e dëmit si fatutrë, pasi pjesa tjetër është për shkak të dështimeve në fushë.