Mediokriteti në arsmin e lartë dhe ministrja Kushi

Problematikat në arsimin e lartë do të listohen në disa çështje shume të rëndësishme.Si me çdo ministër tjetër, edhe me ministren e re Kushi, pritshmëritë për ndryshime pozitive në sistemin arsimor dhe në mënyrë të veçantë në arsimin e lartë publik janë të larta.Universitetet publike vazhdojnë të rekrutojnë staf akademik me rregullore të vjetra dhe të pa azhornuara me ecurinë e kohës, vazhdojnë të rekrutojnë staf akademik bazuar në Bachelor dhe me nepotizëm, pa vlerësuar gradat shkencore, punën akademike dhe eksperiencën profesionale dhe për këtë kam prova direkte në arsimin e lartë publik.

Këto rekrutime bien ndesh dhe me ligjin e ri të arsimit të lartë, pasi rekrutojnë staf me master dhe përjashtojnë nga konkurimi staf me doktoratura dhe eksperienca.Mitmarrja në arsimin e lartë është bërë kancer dhe nuk po shkatërron vetëm arsimin e lartë por çdo nivel te arsimit në Shqipëri duke filluar nga ai fillestar deri tek më i larti, dhe jo rastësisht në mënyrë të vazhdueshme janë objekt i emisioneve investigative dhe lajme për arrestime në flagrancë.

Sistemet manuale dhe mekanike pa asnjë objektivizëm në cilësinë akademike dhe profesionale kanë bërë që mediokriteti të rritet fuqishëm në konferenca shkencore dhe aktivitetet e tjera akademike, dhe kjo e provuar, pasi në shumë konferenca shkencore të organizuara nga disa institucione të arsimit publik dallojmë referime vetëm të mbrojtjeve të masterave dhe pa asnjë impakt dhe duke mos plotësuar standartet e kërkimit shkencor.

Tendenca për të mbajtur të hapura disa degë në shumë universitete publike po bën që të rekrutohen studentë me nivel të dobet në degë si matematika dhe fizika.Bordet e administrimit të universiteteve publike janë një pjesë tjetër e politizuar dhe me ndikim shumë negativ në ecurinë e këtyre institucioneve. “Nëse do të vdesësh të ardhmen e një populli, shkatërroji arsimin”.