Përfundon gjykimi i dosjes “Bajri”/ Ulet dënimi, sa vite burg vendosi gjykata për pesë të akuzuarit

Ka përfunduar gjykimi i dosjes “Bajri”. Gjykata e Rrethit Gjyqësor Shkodër ka pranuar pjesërisht konkluzionet e avokatëve mbrojtës Arbër Hoxha dhe Sokol Tahiraj për aplikimin e gjykimit të shkurtuar duke ulur 1/3 të dënimit.

“Bajri” është një nga dosjet më të përfolura dhe të trumbetuara me aq bujë në vjeshtën e vitit 2018, si një nga operacionet e para të ‘Forcës së Ligjit’.

1. Safet Bajri deklarimin fajtor dhe dënimin e tij përfundimisht me 2 vite e 6 muaj burgim.

2. Ilir Bajri, deklarimin fajtor, për kryerjen e veprës penale të armëmbajtjes pa leje dhe duke e dënuar përfundimisht me 1 vit e 8 muaj burgim.

3. Astmer Bilali deklarimin fajtor dhe dënimin me 3 vite burgim.
4. Ismet Idrizi, deklarimin fajtor, për kryerjen e veprës penale të armëmbajtjes pa leje dhe duke e dënuar përfundimisht me 2 vite e 6 muaj burgim.
5. Emrah Plaku, deklarimin fajtor, për kryerjen e veprës penale te armëmbajtjes pa leje dhe duke e dënuar përfundimisht me 2 vite burgim.

Në perfundim të gjykimit të gjithë të pandehurve iu janë “shuar” masat e sigurimit përkatese, për shkak se koha e paraburgimit e vuajtur është e barabartë me kohen e dënimit. Për momentin vetëm Safet Bajri është në burg duke vuajtur dënimin e Belgjikës.

Dosja e “Bajrave” nisi me operacionin ‘Oaz’ në shtator të 2018-ës në Tiranë, Shkodër dhe në qytete të tjera të vendit, ku çoi pas hekurave mbi 20 persona, të cilët tashmë janë liruar nga akuzat e vrasjes, kanosjes, gjobëvënies, basteve të paligjshme dhe shumë të tjera.