Kryesore
E gjeti lajmin për të larguar vëmendjen nga Nusreti
Rama: Nesër nisim vaksinimin anti-Covid-19
Nesër nisim vaksinimin anti-Covid. Ky është lajmi që jep kryeministri Edi Rama nga faqja e tij zyrtare në Facebook. Nuk tregon më shumë detaje, por ai e quan lajm të mirë dhe përdor një hashtag me fjalët Shqipëria Buzëqesh.
Postimi i kryeministrit Rama:
LAJM I MIRË
#ShqipëriaBuzëqesh
Nesër nisim vaksinimin antiCovid19
Në një deklaratë për mediat me datë 1 janar, Rama tha se Shqipëria ka siguruar 500 mijë doza të vaksinës Pfizer dhe se ky nuk është fundi i përpjekjeve për të siguruar gjithë dozat e nevojshme.
Vaksina anti koronavirusit do të jetë falas dhe jo e detyrueshme. Rama tregoi se është dakordësuar me akt normativ për autorizimin e kontratës sipas marrëveshjes së konfirmuar zyrtarisht nga kompania Pfizer dhe do të paguhet menjëherë për vaksinat.
Ndërkaq, të premten kryeministri Rama dhe ministrja e SHëndetësisë Ogerta Manastirliu ishin në Air Albania stadium, ku është ngritur qendra e parë e vaksinimit anti-COVID. Manastirliu tha se në këtë qendër është parashikuar vaksinimi i 60 qytetarëve në orë. Dhe se në të gjithë ambientin e stadiumit janë vendosur 60 postacione ku do të kryhet vaksina dhe puna do të vijojë për 8-10 orë.
Të parët që do vaksinohen pritet të jenë grupet e riskut, që janë mosha e tretë, personat me sëmundje kronike, mjekët që janë gjithashtu të riskuar, fëmijët apo gratë shtatzëna.
