Financat dhe burimet njerëzore të pamjaftueshme për reforma të mëdha

Në kuadër të rishikimit të Strategjisë Kombëtare për Zhvillim dhe integrim në pesë vitet e ardhshme deri më 2020, qeveria ka artikuluar se dobësitë në administratën publike dhe korrupsioni me format e veta të shumëfishta janë pengesat themelore për jetësimin e reformave.
Në draftinqë tashmë është në një proces konsultimi qeveria ka shpallur 6 prioritet e mëdha për pesë të vitet në vijim të cilat fokusohen në: 1-Shërbime publike inovatore, që kanë në qendër qytetarin (qeverisja e mirë); 2- Efikasitet në koston e furnizimit me energji elektrike (energjia); 3- Nxitja e novacionit dhe konkurrueshmërisë (investimet e huaja direkte dhe të brendshme); (4) menaxhimi i integruar i ujit; 5-) Rritja e qëndrueshmërisë së tregjeve të tokës (sistemet e tokës dhe prona; 6-) Reforma strukturore.
Mirëpo në dokument thuhet se qeveria përballet me një numër risqesh dhe vonesash në realizimin e vizionit të saj për zhvillim kombëtar dhe integrim në BE raporton Monitor.Në analizën e posaçme thuhet se pjesa dërmuese e këtyre risqeve konsiston në nivele të brendshme dhe mikro apo sektoriale (si p.sh. risqe sociale, të tregut, të mjedisit, shëndetit, kredisë etj). Gjithashtu korrupsioni me format e veta të shumfishta, parqet elemente me rrezik të lartë dhe mund të pengojë zbatimin e të gjitha reformave, duke përfshirë edhe vetë ato që kanë të bëjnë me administratën publike dhe shërbimin civil.
Ekziston edhe një risk që burimet e disponueshme qoftë si fonde, ashtu edhe si burime njerëzore të mos jenë të mjaftueshme, në veçanti në lidhje me përpilimin dhe zbatimin e reformave madhore.