Basha bashkë me Ramën kërkojnë asgjesimin e PD-së

Bujar Nishani: Basha bashkë me Ramën kërkojnë asgjesimin e PD-së

Ish-presidenti Bujar Nishani dhe ish-kryetari i Këshillit Kombëtar në PD, Bujar Nishani, shigjeton Bashën se ka asgjesuar PD-në. Sipas tij, asgjesimi i PD është asgjesimi i opozitës sot, është asgjesimi i alternativës së qeverisjes ndryshe nesër dhe minimi i demokracisë. Teksa ka analizuar situatën brenda PD-së, Bujar Nishani shprehet se tezat e Edi Ramës se Lulzim Bashën e detyruan SHBA-ja për ta përjashtuar Sali Berishën nga PD-ja dhe se ai nuk kishte rrugë tjetër, janë teza spekulative dhe fasada për të mbuluar projektin e asgjesimit të PD-së.

Në analizën e tij, Bujar Nishani thotë se kryedemokrati Basha ka patur ultimatume të forta nga SHBA-ja, për të mos djegur mandatet e mos braktisur Parlamentin. Po kështu ka marrë kërkesa të forta e të qarta nga SHBA-ja, për të mos bojkotuar zgjedhjet dhe pushtetin lokal.

Nishani shton më tej se kreu i PD-së nuk i ka marrë në konsideratë ato kërkesa e ultimatume të SHBA-së, duke i injoruar plotësisht. Ish-kryetari i Këshillit Kombëtar në PD, mbetet i bindur për një bashkëpunim Basha-Rama. “Projekti antishqiptar i dyshes Rama-Basha, për asgjesimin e PD-së mbetet beteja më e madhe politike, për ti shërbyer të nesërmes së Shqipërisë”, citon më tej ai.

Statusi

Thikat pas shpine ndaj Partisë Demokratike janë në të vërtetë, thika në zemër për Shqipërinë !

Misioni që i është ngarkuar L. Bashës prej pushtetit më të korruptuar e të inkriminuar në Shqipërinë e 30 viteve të fundit, është projekti më kriminal anti PD e anti demokratik që prej atij të tentuar në 1997 !

PD është një prej institucioneve kryesore të shoqërisë shqiptare, është një mekanizëm i domosdoshëm që sistemi politik të funksionojë normalisht, është mundësia për të patur alternativën e një modeli tjetër qeverisës.

Të kapësh e të mbash peng, përmes metodave gangsterriste, pushtetin dhe proçesin vendimarrës mbi Partinë Demokratike, për ti shërbyer projektit antishqiptar të asgjesimit të alternativës qeverisëse, është po aq kriminale sa korrupsioni, kriminaliteti, shkatërrimi i institucioneve, varfërimi i shqiptarëve, prej qeverisjes.

Asgjesimi i PD është asgjesimi i opozitës sot, është asgjesimi i alternativës së qeverisjes ndryshe nesër, është minimi i demokracisë, është thikë në zemër për Shqipërinë !

Tezat e Edi Ramës se L. Bashën e detyruan SHBA për ta përjashtuar Sali Berishën nga PD dhe se ai nuk kishte rrugë tjetër, janë teza krejtësisht spekulative dhe fasada majtiste për të mbuluar projektin e asgjesimit të PD.

1. Basha ka patur ultimatume të forta nga SHBA për të mos djegur mandatet e mos braktisur Parlamentin !
2. Basha ka marrë kërkesa të forta e të qarta nga SHBA për të mos bojkotuar zgjedhjet dhe pushtetin lokal !
3. Basha as i mori në konsideratë ato kërkesa e ultimatume të SHBA dhe i injoroi ato plotësisht.

Megjithëse ato ishin vendime e akte që minonin rëndë demokracinë në këtë vend, L. Basha i shpërfilli kërkesat amerikane në ato raste sepse i duhej të plotësonte interesat politike të Edi Ramës që ky të kapte e kontrollonte çdo qelizë e pushtet absolut të sistemit politik në Shqipëri !

Projekti antishqiptar i dyshes Rama-Basha, për asgjesimin e PD është sfida më e madhe për shoqërinë sot, është beteja më e madhe politike për ti shërbyer të nesërmes së Shqipërisë !

https://www.facebook.com/permalink.php?story_fbid=4247492745300129&id=288438424538934