Ish-kryeministri Sali Berisha zhvilloi sot në Ditën e Rinisë, homazhe në shtatoren e Azem Hajdarit në Qytetin Studenti, i shoqëruar nga deputetë demokratë, si edhe nga djali i ish-deputetit të ndjerë dhe bashkëshortja e tij.

Në një deklaratë për mediet, Berisha nuk la pas as akuzat për kreun e demokratëve Lulzim Basha. Ish-lideri akuzoi se Partia Demokratike ka njohur humbje pas humbje për faj të atij njeriu, që Berisha e quajti ‘Lul Boshi’ ose pengkryetari.

“Kur nisi lëvizja studentore, Edi Rama ia mbathi në Korfuz dhe u kthye pasi mbaroi çdo gjë. Me nostalgjinë e etërve të tij, në mënyrë kriminale arritjet e mëdha të njëpasnjëshme jetësore të shqiptarëve. Në këto 8 vite koha jo vetëm që ndaloi në shumë aspekte, por bëri edhe prapa ktheu. Në këto 8 vite demokratët dhe PD derdhën lumenj djerse, por mjerisht ata kaluan nga një humbje në humbje tjetër. Krejtësisht për shkak të njeriut i cili pas 8 vitesh meriton të quhet as pak e as më shumë se Lulzim Boshi apo pengkryetari”, u shpreh Berisha.