Po mbahet referendumi për zyrtarizimin e shkarkimit të kryedemokratit Lulzim Basha, teksa ky i fundit po zhvillon punimet e Kuvendit.

Një qytetar demokrat teksa ka votuar pro shkarkimit të Bashës në referendum, ka rezervuar edhe dy fjalë për kryetarin. Demokrat shprehet se parti është ajo që u rithemelua më 11 Dhjetor, teksa ka ‘shpërthyer’ ndaj Bashës duke thënë se ia bën ‘haram’ votat e dhëna në qershor.

“Sot po votojmë për Partinë Demokratike. Për partinë e rithemelimit, që u rithemelua më datën 11 dhjetor. Kjo është partia jonë. Në qershor ia dhamë votën Lulzim Bashës, po haram i qoftë vota jonë se ia kemi dhënë, por ai u tregua arrogant, i pabesë dhe e shpërdoroi votën tonë. Tani me këtë votë do t’i tregojmë vendin Lulzim Bashës dhe të gjithë njerëzve të tillë që janë si ai dhe punojnë kundër interesave kombëtare, partiake. Haram e paçin votën që ua kemi dhënë”, ka thënë demokrati teksa ka hedhur votën e tij në kutinë e votimit.