Sot njëmbëdhjetë vjetori i protestës së dhunshme të 21 janarit

Shënohet sot njëmbëdhjetë vjetori i protestës së 21 janarit, ku mbetën të vrarë katër protestues në bulevardin dëshmorët e kombit.

Pas më shumë se një dekade nga ngjarja, prokuroria e Tiranës rinisi në maj të 2021, hetimet për katër viktimat Hekuran Deda, Aleks Nika, Ziver Veizi dhe Faik Myrtaj dhe plagosjen e gjashtë të tjerëve.

Hetimi i ri i drejtuar nga prokurorja Marjeta Zaimi nisi bazuar në një kërkesë të bërë nga Policia e Tiranës një ditë para përvjetorit të dhjetë të ngjarjes, ku kërkohej rihetim.

Në përkujtimoren e dhjetë të viktimave të 21 janarit 2011, kryeministri Edi Rama shpalli katër viktimat; Hekuran Dedën, Aleks Nikën, Ziver Veizin dhe Faik Myrtajn “Dëshmorë të Atdheut”.

Si çdo vit edhe këtë 21 janar nuk do të mungojnë homazhet nga familjarët dhe politikanët në vendin ku u vranë protestuesit.