Një palë perde të reja, arrestohet drejtori i IMTV

Sektori për Krimin Ekonomik e Financiar në Drejtorinë Vendore të Policisë Fier në bashkëpunim me Prokurorinë Lushnje, pas një hetimi dy javor, të nisur menjëherë pas një denoncimi të bërë në emisionin investigativ FIKS FARE bënë arrestimin për veprën penale të Korrupsionit të shtetasit: -Laver Dupi, 52 vjeç, me detyrë Drejtor IMTV pranë Bashkisë Lushnje.

Gjykata e Shkallës së Parë Lushnje pas kërkesës së Prokurorisë dha masën e sigurisë Arrest me burg për këtë shtetas pasi i ka kërkuar 100.000 lekë shtetases me iniciale N.Sh., për ekzekutimin e një vendimi gjyqësor.

Një milion lekë për ekzekutimin e vendimit të gjykatës dhe kompletimi i shtëpisë me perde të reja. Ky është pazari që bëri drejtori i IMTV-së së Lushnjës, Dilaver Dupi, me një qytetare në këtë qytet, e cila prej vitesh është duke kërkuar nëpër dyert e gjykatave dhe të Bashkisë së Lushnjës pronën që i ka lënë babai.