Ish kryeministri Sali Berisha ka sfiduar SHBA për të paraqitur qoftë edhe një provë ndaj tij pas shpalljes ‘Non grata’ nga DASH për korrupsion.

Gjatë fjalës që mbajti në Kuvendin Kombëtar të PD, Berisha tha asnjëherë nuk do ta pranojë shpifjen për të vërtetë.

“U përballëm këto muaj me kurthe të Bashës, me përpjekje të Soros dhe mafies së tij për të shkatërruar opozitën, e ta shndërrojë në gjethe fiku të Ramës. Por, këto përpjekje dështuan.

Mund të mbajnë një pseudopozitë në këmbë? Gaboheni rëndë, se është pushtet moral, nuk emërohet, ajo buron nga shpirti që ti përfaqëson. Pseudoopozita është fasadë në të cilën nuk do askush të batojë, sot ne jemi opozitë e vërtetë, të gatshëm për cdo betejë.

Jam sanksionuar nga DASH me akuza që nuk ekziston asnjë provë, nga lobimi i Soros dhe Ramës.  Cilido që do të paraqesë një fakt, kundër meje, ai është i gatshëm të marrë cdo masë ndaj vetes së tij. Unë jam Sali Berisha, kurrë, shpifjen nuk e pranoj për të vërtetë”, tha Berisha.

Ish kryeministri tha se nga sot, hapet kapitulli i përballjes me qeverinë sipas tij më të korruptuar të Europës.  

“Kemi muaj që merremi me veten tonë, por Kuvendi shënon fundin e këtij kapitulli, hap kapitullin e përballjes me qeverinë më të korruptuar të Europës e kryesuar nga kryeministri më i pashkollë i shqiptarëve.

Shqipëria në cdo anë lëngon. Rama me varfërimin vret shpresën në cdo skaj.

Në 8 vite vendi mbeti ku ishte në procesin e integrimit. Shqiptarët ranë në qytetarët më pak të paguar të rajonit. Pandemia mori jetë më shumë se në cdo vend tjetër të Evropës. Qeveria përdor krizën për pasurinë e tyre. Sot ka vetëm një alternative, PD e rithemeluar mbi vlerat konservatore”, u shpreh Berisha.