Policia spanjolle kreu një hetim të emërtuar ‘Operacioni Jenner’, i cili zbuloi një rrjet të gjerë të famshëm dhe ‘elite’ që paguanin para për t’i regjistruar emrat e tyre nëpërmjet mashtrimit në Regjistrin Kombëtar të Imunizimit, pavarësisht se kundërshtonin të vaksinoheshin.

Një nga ‘elitat’ ishte Jose Maria Fernandez Sousa-Faro, president i gjigantit farmaceutik evropian ‘PharmaMar’.

Hetimi në mbarë Evropën u emërua ‘Operacioni Jenner’ sipas Edward Jenner, i cili zhvilloi vaksinën e parë dhe konsiderohet babai i imunologjisë. Gjatë operacionit u arrestuan shtatë persona në Barcelonë dhe Madrid në fund të janarit.

Thuhet se janë 2,200 persona të përfshirë në mashtrim dhe hetimi është duke vazhduar me më shumë prova që po mblidhen përpara se shumë prej tyre të shkojnë në gjyq.

Në shkurt, EuroWeekly raportoi se një aktore spanjolle e vlerësuar me çmime, Verónica Echegui, po hetohej për blerjen e një pasaporte vaksinimi Covid të manipuluar nga një bandë kriminale. Mashtrimi u zbulua nga një polic i cili ishte i angazhuar në frenimin e ekstremizmit në ‘rrjetin e errët’.

Banda, e cila depërtoi në Sistemin Kombëtar të Shëndetit të Spanjës, thuhet se kishte përdorur një infermiere ‘të brendshme’. Infermierja dhe një asistent futën të dhëna në Sistemin Kombëtar të Shëndetit Spanjoll për të mundësuar lëshimin e certifikatave që ishin ‘të vërteta’, për njerëzit që nuk kishin marrë një vaksinë.

Sipas medias spanjolle El Mundo, tarifa e bandës varej nga numri i dozave të ‘vaksinave’ Covid që klientët e tyre donin të regjistroheshin si të bëra. Megjithatë, EuroWeekly raportoi: “Sipas policisë që po heton, tarifa varej nga pozita shoqërore. Sa më i rëndësishëm personi, aq më i lartë çmimi.”

Personaliteti i fundit i profilit të lartë që është kapur në skandal është presidenti i PharmaMar, Jose Maria Fernandez Sousa-Faro. Siç konfirmohet nga burime policore, Fernández-Sousa akuzohet se ka organizuar që t’i injektohet një tretësirë ​kripe (serum) në vend të një vaksine ndaj Covid dhe ka paguar mijëra dollarë për të shtuar emrin e tij në regjistrin e imunizimit të Spanjës, shkruan ‘Signs of the Times’.

Fernández-Sousa është profesor i Biokimisë dhe themeloi PharmaMar në vitin 1986. Ai ka qenë në industrinë farmaceutike për më shumë se 35 vjet dhe ka qenë anëtar i bordeve të drejtorëve të Antibióticos, Penibérica, Pescanova dhe Cooper-Zeltia, ndër kompani të tjera.

Kompania që ai drejton, PharmaMar, është një nga kompanitë kryesore farmaceutike spanjolle dhe doli nga përthithja e Zeltia në vitin 2015. Në vitin 2021 fitoi 92.82 milionë euro dhe në tremujorin e parë të këtij viti fitoi 22 milionë euro, bazuar në të dhënat e veta.

Marsin e kaluar, presidenti i PharmaMar siguroi në një intervistë me ‘El Espanol’ se ai kishte vuajtur nga koronavirusi dhe se ishte mjekuar me ilaçet e kompanisë së tij duke pasur rezultate pozitive.

Personat e njohur të hetuar deri më tani si pjesë e Operacionit Jenner përfshijnë:

José María Fernández Sousa-Faro, President i PharmaMar,

Trinitario Casanova, një nga njerëzit më të pasur në Spanjë,

Kidd Keo, këngëtar

Anier, këngëtar rap,

Jarfaiter, këngëtar rap,

Veronica Echegui, aktore,

Bruno Gonzalez Cabrera, futbollist,

Fabio Díez Steinaker, ish-olimpist i volejbollit në plazh,

José Luis Zapater, alias Titín, ish-boksier,

Camilo Esquivel, një mjek i njohur dhe prestigjioz