Cili shtet ka ushtrinë më të fuqishme në rajon!

Global Firepower (GFP) ofron një pasqyrë të veçantë të dhënave analitike mbi forcat ushtarake sot. Në këtë rangim përfshihen 125 shtete, e që ofron një sërë faktorësh krahasuar me fuqinë ushtarake të një vendi.

GFP kryesisht bazohet në kapacitetet potenciale të luftës konvencionale në secilin vend – luftë tokësore, ujore dhe ajrore.

Rezultati përfshin vlerat që lidhen me burimet, financat, gjeografinë dhe mbi 50 faktorë të ndryshëm që japin vlerësimin final, i quajtur Indeksi i Fuqisë (Power Index).

Indeksi i pushtetit në vlerë prej 0.000 paraqet një vlerë të përsosur.

Nga shtetet e rajonit, në analizë janë përfshirë Shqipëria, Kroacia, Sllovenia, Bosnja e Serbia.

Më së miri është ranguar Kroacia, e cila zë vendin e 68-ë, më pas Serbia (83), Shqipëria (90), Sllovenia (111) dhe Bosnja e Hercegovina në vendin e 120-ë.

Kosova, ndërkaq, nuk paraqitet në këtë vlerësim pasi që shteti i ri ende nuk e ka ushtrinë e formuar.

Vendin e parë për ushtrinë më të fuqishme e zë SHBA-ja, e pasuar nga Rusia, Kina, India e Franca. Në vendin e 6-të është Britania e Madhe, në të 7-in Japonia, ndërsa Turqia, Gjermania dhe Italia përmbyllin top 10-en e ushtrive më të fuqishme në botë.