“Nuk due me u ndal hiq për me komentue nëse do jem deputete e zgjedhun apo “e emërueme”

“Si Lenka Çuko” – Neomalsorja që u kandidua nga Rama reagon pas sulmeve: Disa prej jush u ka ngec sahati në komunizëm!

Marjana Koçeku, e cila është njohur në median sociale si një sipërmarrëse shumë e famshme në fushën e agroturizmit, pritet të jetë deputetja më e re sociliste, pas zgjedhjeve të 11 majit.

E njohur si “Neomalsorja” kandidatja në listën e mbyllur të socialistëve në Shkodër ka reaguar lidhur me sulmet dhe krahasimet që po i bëhen me Lenka Çukon, e cila u bë anëtare e Byrosë Politike në vitin 1971, në moshën 33 vjeç pasi u mor nga fshati.

“Nuk due me u ndal hiq për me komentue nëse do jem deputete e zgjedhun apo “e emërueme”.

Ky asht sistemi zgjedhor të cilit i përket ky cikël i jemi fillestar, dhe për mue, ma e randsishmja asht që ajo çka due me sjellë un për komunitetin tem, të vijë mes jush si një frymë pozitive.

E sa për krahasimet me Lenka Çukon, si një ish-studente e shkencave politike, ndjej keqardhje që disa prej jush u ka ngec sahati në të kaluemen dhe ende e ktheni kryet mbrapa për me gjetë ndonjë gjë të ngjashme me periudhën e realizmit socialist.

Sepse unë, personalisht, besoj se gjaja ma e keqe që mundet me i ndodhë një kombi asht nostalgjia për komunizmin; si rrjedhojë, më vjen realisht gjynah për ju!

Unë jam lindë e rritë në demokraci dhe udhëhiqem veç nga parimet e shenjta demokratike”, shkruan ajo.