Sot përfundon afati i deklarimit të të ardhurave vjetore, që ka si risi këtë vit uljen e pragut të deklarimit. Për ata që kanë të ardhura vjetore bruto 1 200 000 lekë e më shumë janë të detyruar të deklarojnë të ardhurat nëse janë resident tatimor në Shqipëri.

Drejtoria e Tatimeve ka realizuar edhe një video që “sqaron” duke ngatërruar dynjanë sesi plotësohet formulari. Video të sqaron se deklarimi i të ardhurave duhet t’i bëhet tatimeve përmes një formulari ku vendosen shuma, bëhen zbritje të tatimit, shtohen zëra e të tjera me radhë, e gjitha punë e një financieri apo kontabilisti.

Ndërkohë të gjitha të dhënat janë të depozituara në portalin e-albania, ndërfaqësohen aty nga kontributet e punëdhënësit. Dhe po flasim për pagat. Masa e gjobës nga sa raportohet lart e poshtë është 3 000 lekë shto gjobë dhe kamatë.

Nëse sheh termat e sistemit e-tax ku duhet të regjistrohesh aty rikonfirmohet edhe njëherë diskriminimi i qytetarit që i mohohet e drejta e çregistrimit, i kërkohet të ketë kujdes me të dhënat, të raportojë për ndryshimin e tyre përkundër të drejtave që ka sistemi për të bërë çregjistrimi, ndryshime, ka madje edhe të drejtën e defektit dhe mohimin e shërbimit kur ka defekt.

Paradoksi qëndron në atë se ndërohë që propagandohet digjitalizimi dhe thjeshtimi, formulari me letra digjitale shtohet e shtohet me ndryshimin se sistemi është një lloj burgu fiktiv që është aty vetëm për të krijuar idenë se ka shtet e po bëhet më i mirë, kur në fakt është një havale më shumë.