Lidhu me ne

Kryesore

Drejtori

857424_615209655171231_1796470428_o-1-702x432

nga Bilbil Beqiri

Diku në një qytet të vogël të Shqipërisë jeton një drejtor. Përpara dy vitesh ai nuk ishte drejtor prandaj s`kishte as makinë, as shoqëri, as rroba të reja, as parfume të shtrenjta…ups, ndjesë, në fakt as tani nuk ka parfume, po ç’rëndësi ka kjo.

Përpara dy vjetësh drejtori ishte i palumtur, kurse këto kohë po jeton ditet më të bukura të jetës së tij. Në qytetin e vogël ku ai jeton të gjithë i njohin të gjithë, kështu që është e pamundur t’u shpëtosh gojëve të liga. Për drejtorin flasin turli fjalësh. P.sh thonë që ai merr ryshfet për punësimet dhe, e paskan vënë re këtë tek makina që drejtori kishte blerë menjëherë pas emërimeve të para.


Në shëtitoren e mbrëmjës ku dalin xhiro qytetarët, drejtori është më i palodhuri, zbret dhe ngjet shëtitoren pa pushim. Në këtë qytet gjendet vetëm një shëtitore prandaj njerëzve u bie të shkëmbehen me njëri-tjetrin të paktën 20 herë në ditë.

Të ardhurit nga qytetet e tjera apo emigrantët e kthyer për pushime bien menjëherë në sy, por nuk mund të rrijë pa rënë në sy edhe drejtori për të cilin po flas.

Për t’u treguar njerëzve që atë darkë ka ngrënë mish e mban kunjin e dhëmbëve në cep të gojës gjatë gjithë xhiros së mbrëmjes. Kur dikush e thërret, ai i ndërron vendin kunjit mes dhëmbëve dhe pastaj i kthen përgjigje.

Fytyrën e ka të rreshkur nga dielli, por kjo nuk e pengon atë të sillet si drejtor. Madje ai shumicën e rasteve mban kravatë: të gjërë e të lidhur shkurt që i qëndron mbi bark. Makiaton e mëngjesit e porosit gjithmonë në të njëjtën mënyrë: pështynë gishtin tregues dhe i thotë kamarierit që pa u tharë pështyma në gisht e do makiaton mbi tavolinë. Ndërsa kamarieri i mësuar tashmë me batutën e drejtorit nxiton t’i sjellë makiatone tij, por dhe një pije të mirë të cilën e ka nga tavolina përballë.

Drejtori është në dijeni të gjërave që fliten në lidhje me të, por nuk shqetësohet për këtë. Ai është i bindur që e bëjnë nga xhelozia për suksesin e tij. Madje ndodh që nga goja e drejtorit të dalë ndonjë e sharë për ndonjërin që ka thashethemuar mbi aftësitë e tij.

Po prapë se prapë nuk shqetësohet shumë për këto thashethemet lokale. Stresi i vërtetë për të është kur i vjen dikush i rëndësishëm nga Tirana. Angazhohet me mish e me shpirt t’i lënë të kënaqur vizitorët nga kryeqyteti.

Zhvillimet për prishje koalicionesh dhe thashethemet për rënie qeverie a zgjedhje të parakohshme që vijnë nga Tirana, ai i ndjek me shumë shqetësim. “Sa gjeti miza pak gjak e ngriti kali bishtin”, është dëgjuar të ketë thënë drejtori.

Me këto radhë nuk dua kurrsesi t’ju bëj të mendoni gjëra negative për drejtorin. Në fund të fundit populli thotë: “Mos i shiko gunën por punën!”.

Nëse dëshironi se s`bën ta bëni një gjë të tillë, bëjeni për drejtorin që keni në qytetin tuaj.

Vazhdo leximin
Kliko të komentosh

Duhet të jeni i kyçur në mënyrë që të mund të lini një koment Kyçu

Përgjigju

MË TEPËR

Mix4 ditë më herët

Astma, shkaktarët dhe simptomat tek fëmijët!

Mjekja pediatre Zerina Sheme shpjegon se një ndër sëmundjet kronike të fëmijëve është asthma, e cila shfaqet nga mosha 2-3...

Temporal4 ditë më herët

Standardi i epilimit me laser vetëm tek “Dream Beauty Clinic”

Laser Alexandrite Candela, konsiderohet si standarti i epilimit me laser.Eshte tashme i provuar si trajtimi lazerik më i sigurt dhe...

Mix4 ditë më herët

Ja arsyet përse ndjeni marrje mëndsh

Ndjesia e një marrje mendsh të vazhdueshme mund të kthehet në një pengesë serioze për përqendrimin tuaj dhe angazhimet e...

Mix4 ditë më herët

Si të kuptoni nëse keni gurë në veshka/ Çfarë duhet të bëni

Gurët në veshka janë depozita mineralesh dhe kripërash që formohen në brendësi të veshkave. Prania e tyre mund të ndikojë...

Mix4 ditë më herët

“SAG Awards 2024”, lista e plotë e fituesve

Çmimet e 30-ta të SAG Awards , çmimet vjetore të Screen Actors Guild, u zhvilluan të shtunën, më 24 shkurt,...

Mix5 ditë më herët

Çfarë tregon mpirja e duarve gjatë gjumit për shëndetin tuaj?

Mpirja e herëpashershme ose ndjesia e shpimint në gjymtyrë është normale. Zakonisht kjo ndodh kur ju flini në një pozicion...

Mix5 ditë më herët

Mosha normale kur fëmija fillon të flasë, këto janë rastet kur duhet të shqetesoheni

Bëhet fjalë për dembelizëm apo kemi të bëjmë me një problem në zhvillimin e fëmijës? Kjo është pyetja që prindërit...

Mix5 ditë më herët

Pse kolla mbetet pas të ftohurës – Trajtimet natyrale që duhet të bëni

Kolla është një simptomë shumë e zakonshme e të ftohurës. Ajo është një instrument, nëpërmjet të cilit organizmi nxjerr jashtë...

Mix5 ditë më herët

Sa është pasuria e mbretëreshës së ardhshme, Kate Middleton

Kate Middleton ka një pasuri personale mbresëlënëse. Sigurisht, ajo u bë edhe më e madhe gjatë martesës së saj tashmë 13-vjeçare...

Mix5 ditë më herët

Pa telefon dhe internet në shtëpi, jeta e thjeshtë e yllit të “Oppenheimer”

Cillian Murphy është një ndër aktorët më të vlerësuar të momentit, pas performancës të jashtëzakonshme në “Oppenheimer”. Aktori 47-vjeçar bën...

Facebook