Reali i Madridit, klubi më i pasur në botë

Agjencia “Deloitte” ka përpiluar një listë me 20 klubet me të ardhurat më të larta të siguruara në fund të sezonit 2014/2015 dhe skuadra spanjolle qëndron në vendin e parë për të 11 vit radhazi.

Sipas “Deloitte”, të ardhurat e regjistruara nga Reali i Madridit në fund të sezonit 2014/2015 arritën në 577 milionë euro. Menjëherë pas “Los Blancos” në këtë klasifikim gjenden rivalët e Barcelonës, me katalanasit që siguruan 560.8 milionë euro, duke bërë që Manchester United të zbresë në vendin e tretë me 519.5 milionë euro.