Ahmetaj: Dorëhiqem nëse Basha provon se unë kam udhëtuar me charter me ndonjë biznesmen

Pas akuzave të kreut të opozitës, Lulzim Basha në mbledhjen e grupit të PD-së, ka reaguar ministri i Ekonomisë, Arben Ahmetaj. Ai ka thënë se është gati të japë dorëheqjen nëse Basha provon akuzat e tij.

“Nëse unë kam udhëtuar me charter me ndonjë biznesmen, përfshirë Suzer, jam gati të jap dorëheqjen. Le ta verifikojë Basha.  Por nëse kjo është gënjeshtër, ti Luli çfarë bën, je gati ta shkurtosh hundën?! Vazhdon kalvari i budallallëqeve të nxjerra nga goja e administratorit të opozitës. Kanë hapur luftë frontale kundër investitorëve të huaj sepse i tmerron zhvillimi ekonomik i vendit. Këta kanë interes të kundërt me rritjen ekonomike siç duket. Meqë nuk ndodhi siç parashikonin skenarin grek, tani preferojnë skenarin e Pinokut!”, shkruan Ahmetaj.