Detaje për vrasjen e emigrantit në Durrës

Një shtetas u vra mbrëmjen e shkuar në qytetin e Durrësit.

Ngjarja ndodhi në fshatin Fllakë të Durrësit.

Sipas policisë, shtetasi Xhevahir Brashi, 42-vjeç, ishte kthyer nga Anglia rreth tre muaj më parë. Sipas policisë, ai është qëlluar 13 herë me plumba brenda automjetit të tij.

Policia sqaron gjithashtu se ngjarja ka ndodhur rreth orës 19:30 minuta në afërsi të banesës së tij. Dy plumba e kanë prekur në pjesën e shpinës viktimën.

Policia tha se 13 gëzhoja e gjetura në vendin e ngjarjes janë të kalibrit 7.62mm. Në cilësinë e provës materiale është sekuestruar edhe një automjet tip Benz.

Krimi cilësohet tek vrasjet e kryera me paramendim, çka do të thotë se atentati është organizuar.

Ende nuk dihen motivet dhe autorët. Policia thotë se ka shoqëruar 35 persona, por ende nuk ka një autor të dyshuar.