Hidhet nga kati i 4-t i Sanatoriumit

Një 64-vjeçar, që vuante nga një sëmundje e rëndë u hodh nga kati i katërt i Sanatoriumit.

Policia njofto se shtetasi me inicialet Sh.K, ka gjetur vdekjen e menjëhershme për shkak të dëmtimeve të shumta që mori nga hedhja nga lartësia dhe përplasja përtokë.

“Me datë 22.02.2016, në Spitalin e Sanatoriumit “Shefqet Ndroqi”, nga kati i katërt i spitalit, është hedhur shtetasi Sh. K., 64 vjeç, i cili ka gjetur vdekjen e menjëhershme. Sh. K., ka qenë i shtruar në spital pasi vuante nga një sëmundje e rëndë”-njofton policia.

Ai ka qenë në shoqërinë e së bijës në spital, por ndërsa kishte vendosur t’i jepte fund jetës ka larguar më parë vajzën, duke i kërkuar t’i kryente një porosi.

“Pak çaste para se të vetë hidhej nga lartësia, i ka kërkuar vajzës së tij t’i marrë diçka në dyqan dhe sapo ajo është larguar nga dhoma e spitalit, Sh. K. është vetë hedhur”- njofton policia.