Lidhu me ne

Sport

Berisha-Hysaj e Cana mes 100 më të mirëve të Europës

KOmbetarja-1024x631

-Sadiku, lojtari i muajit në Zvicër

Kombëtarja kuqezi ende nuk i ka ndezur motorët për Europianin “Francë 2016”, që do të startojë pas tre muajsh.

Futbollistët e përfaqësueses sonë janë të impenjuar totalisht në klubet respektive, të përqendruar në arritjen e objektivave sezonal, për t’ia lënë më tej vendin debutimit në Europian, që do të jetë hera e parë për kombëtaren tonë.

Një faqe e re e historisë së futbollit shqiptar, që do të shkruhet me shkronja të arta, ashtu si edhe emrat e futbollistëve që mundësuan realizimin e kësaj ëndrre shumëvjeçare të popullit që jeton në juglindje të Europës, që në lashtësi.

Lidhur me pjesëmarrjen në Europianin “Francë 2016”, pas një udhëtimi magjik në fushatën eliminatore, tekniku Xhani de Biasi pati kurajën të integrojë në skuadër emra të rinj e t’i ndërthurë ata me eksperiencën e të vjetërve.

Një prej këtyre emrave është edhe ai i mbrojtësit Elseid Hysaj, i cili duke pasur në krah një mbrojtës si Lorik Cana dhe një portier si Etrit Berisha pati një ngritje cilësore dhe kjo ka bërë që mbrojtësi 22-vjeçar me origjinë nga Shkodra, falë kësaj forme të mirë të treguar në kombëtare, por edhe te skuadra e Empolit në Seria A, u kërkua nga shumë klube gjatë merkatos së qershorit dhe tashmë luan për Napolin, ku është një titullar i pazëvendësueshëm i të kaltërve, të cilët këtë sezon janë në luftë për titull dhe po sfidojnë denjësisht mbajtësen e titullit prej katër vitesh, Juventusin.

Pikërisht falë kësaj rritjeje cilësore edhe vlera në merkato e Hysaj sot llogaritet te 20 milionë euro, pasi shkodrani shihet me mjaft perspektivë.

Periudha e mirë e Hysajt nuk ndalet me kaq, pasi shkodrani, së bashku me kapitenin Lorik Cana dhe gardianin Etrit Berisha janë pjesë e 100 lojtarëve më të mirë të Europianit “Francë 2016”, listë kjo e publikuar nga Federata Europiane e Futbollit (UEFA), e cila ka përpiluar një listë me 100 emra futbollistësh, të cilët pritet të jenë yjet e këtij europiani, që do të nisë në qershor.

Përkrah treshes së shqiponjave kuqezi janë emra si Giggi Buffon, Leonardo Bonuçi apo Verrati në Itali; Neuer, Ozil e Muller në Gjermaninë kampione bote; apo Bale, Cristiano Ronaldo apo Ibrahimoviç, të cilët po shkruajnë prej vitesh tashmë historinë e lojës së futbollit, kaq të dashur për vendin tonë.

Lakimi i emrave të Hysajt, Canës dhe Berishës në listën e 100 lojtarëve më të mirë pjesëmarrës në finalet e europianit “Francë 2016” është një lajm shumë i mirë dhe mjaft motivues për shqiponjat kuqezi, të cilat valëviten flamurin tonë kombëtare me krenari në Beograd, në Lisbonë apo në Danimarkë e Armeni, për ta ngritur në fund në majën e kullës Eiffel, prej nga ku kërkon lavdinë dhe surprizën e radhës.

Dhe për këtë është i bindur sulmuesi kuqezi, Armando Sadiku, autori i një prej tre golave të shënuar në Armeni, sfidën në të cilën kuqezinjtë zyrtarizuan pjesëmarrjen e tyre në Europë.

Shkodrani është shprehur se po punon maksimalisht për të qenë pjesë e përfaqësueses në Europë dhe ka garantuar se shqiponjat nuk do të jenë për turizëm në “Mon Blanc”, por për të ngritur edhe më lart emrin e Shqipërisë në Europë.

Emri i Sadikut lakohet në Zvicër si potencial për t’u shpallur lojtari i muajit. Ai është kandidat mes pretendentëve për të arritur këtë “medalje” individuale në superligën zvicerane.

Armando Sadiku i transferuar nga Zyrihu te Vaduzi në formë huazimi gjatë merkatos së Janarit ka shkëlqyer në muajin e kaluar me skuadrën e tij të re.

Blick më tej vijon: “Sadiku golashënuesi më i mirë Zyrihut në dy fazat e para të kampionatit me 5 gola, në vetëm pak kohë është kthyer në lojtarin më të rëndësishëm të Vaduzit teksa me 3 gola dhe dy asiste në 4 ndeshjet e fundit, ka ndihmuar jashtëzakonisht ekipin nga Lihtenshtejni”.

Gazeta zvicerane e mbyll argumentimin e saj me fjalët. “Te Fc Zyrihu tashmë po e qajnë largimin e sulmuesit shqiptar”.

Kjo për vetë faktin se Zyrihu po lufton për mbijetesë dhe në një moment të tillë ku gjetja e golit është kthyer në një problem, kjo skuadër do të kishte me të vërtetë nevojë për një lojtar si Armando Sadiku.

Kujtojmë se kuqezinjtë janë të radhitur në grupin A së bashku me të zotët e shtëpisë, Francën; Zvicrën dhe Rumaninë.

Kuqezinjtë do të nisin udhëtimin e tyre me Rumaninë, për të vijuar me Francën, e për ta mbyllur këtë angazhim me Zvicrën në fund, ku militojnë 7 lojtarë me origjinë shqiptare.

Vazhdo leximin
Kliko të komentosh

Duhet të jeni i kyçur në mënyrë që të mund të lini një koment Kyçu

Përgjigju

MË TEPËR

Mix1 orë më herët

Do të dukesh me vetëbesim? Bëj këto veprime

PHOTO CREDITS: UNCHAINYOURBRAIN Vetëbesimi është një karakteristikë që me praktikën e duhur, kthehet në një armë shumë të fortë. Janë...

Mix1 orë më herët

Si ta bësh *fantastik* seksin gjatë pushimeve?

Si ta bësh *fantastik* seksin gjatë pushimeve? Nëse je me pushime me partnerin/en, të duhen me patjetër këto këshilla: 1....

Mix2 orë më herët

Si të bëhem milioner ? Si të bëhesh milioner përpara se të jesh 30 vjeç

Nga GRANT CARDONEEkspert ndërkombëtar i shitjeve Si të bëhesh milioner është një temë tabu. Të thuash që mund të bëhesh...

Aktualitet2 orë më herët

Dhe me dy vrasjet në Vlorë ju uroj një ditë të qetë e të bukur!!!

Koment nga Respublica.al Dhe me dy vrasjet në Vlorë ju uroj një ditë të qetë e të bukur!!! Është në...

Radar2 orë më herët

Video / Sanna Marin e Finlandës, party dhe alkol në një festë private! Shpërthejnë kritikat ndaj saj

Shumë persona e kanë quajtur “cool” për thjeshtësinë e saj, kryeministren e Finlandës, Sanna Marin, duket se i ka ardhur...

Mix2 orë më herët

Tre shenjat e Horoskopit që bëjnë më shumë para

Tre shenjat e Horoskopit që bëjnë më shumë para Disa shenja të Horoskopit konsiderohen më me fat kur bëhet fjalë...

Mix3 orë më herët

10 ushqimet më të pasura me ujë që na hidratojnë në stinën e verës

10 ushqimet më të pasura me ujë që na hidratojnë në stinën e verës Në mot të nxehtë, është e...

Mix3 orë më herët

Khaby Lame merr zyrtarisht nënshtetësinë italiane

TikTokeri më i ndjekur në botë merr nënshtetësinë Khaby Lame merr zyrtarisht nënshtetësinë italiane . “Betohem se do të jem...

Kryesore3 orë më herët

Berisha: “Ballkani i Hapur” do të shënojë masivisht falimentimin e fermave tona

Kryetari i Partisë Demokratike, Sali Berisha, zhvilloi një bashkëbisedim me fermerët lidhur me subvencionet, mungesën e tregut dhe largimin e...

Mix3 orë më herët

Më mirë përnjëherë apo gradualisht, cila është mënyra më e mirë për të lënë duhanin?

Personat që heqin dorë nga duhanpirja do ta largojnë përgjithmonë me më shumë sukses këtë shprehi të keqe, se sa...

Facebook