Lidhu me ne

Aktualitet

Ky është mediokritet elitar — Pikat kryesore të intervistës

image-14-701x393

Deputeti socialist Ben Blushi ishte i ftuar, në emisionin Opinion, të gazetarit Blendi Fevziu. Disa nga deklaratat e tij kryesore ishin:

Për gjendjen në PS

  • Rilindja si filozofi qeverisëse e PS-së është e falimentuar. Është një organizatë pa rregulla, nuk votohet, nuk dihet kush hyn e kush del.
  • PS është një parti që kanë 7 vjet që nuk bëhen zgjedhje.
  • PS nuk po ndryshon për një arsye, është një parti që nuk po votohet brenda partisë.
  • Është e vërtetë në grupin tonë parlamentar ka njerëz me precendetë penal. Çdo shqiptar e di këtë, vetëm Edi Rama ka thënë që nuk ka.
  • Në PS ka raste evidente të pazarllëkut.
  • Mënyra se si është e organizuar PS nuk ka lidhje fare me laburistët.
  • PS për fat të keq po inkurajon dhunën. Kur një deputet kërcënohet publikisht në Elbasan, pse nuk e besoni që një deputete është kërcënuar se do i heqin gocën nga puna sepse më mbështet mua.

Për drejtuesit politikë

  • Në qeveri ka ministra që as arsimtarë shkolle s’mund të ishin. Ka shumë ministra mediokër që nuk meritojnë të jenë fare ministra.
  • Ky është mediokritet elitar. Në qoftë se ministrat flasin me këtë gjuhë, PS nuk i falet të stimulojë këtë mediokritet.
  • Në qoftë se elita politike e një vendi krahason dy gjëra që nuk krahasohen, si partia dhe Shqipëria, kjo është mediokritet elitar.
  • Në qoftë se medioktiteti ngjitet kaq lart, çfarë presim nga njerëzit e thjeshtë.

Për kongresin e PS-së

  • Në kongres nuk do të ketë votim të mbyllur dhe shumica aty në kongres janë vartësa të Ramës.
  • Kongresi nuk do t’i pranojë zgjedhjet sipas parimit “Një anëtar, një votë”.
  • Kongresi do marrë parasysh një llastim të Ramës, referendumin, se llastim është ai.
  • Unë e di për person Ramën, po ai e di veten për çështje dhe e fut veten në rend të ditës.
  • Referendumi s’mund të zgjasë një mandat që nuk ekziston.

Për qeverisjen

  • Shqipëria nuk po qeveriset siç duhet. Për fat të keq, Partia Socialiste po qeveris shumë keq.
  • Metoda se si po qeveris kjo qeveri duhet të ndryshojë duhet të rrëzohet si metodë, është autokratike.
  • Kjo qeveri nuk po krijon përmirësim të cilësisë së jetës, kemi polarizim social, po rritet pabarazia, kemi varfëri, nuk ka mirëqenie.
  • Nuk kanë rritur një qindarkë pagat; investohet më pak se në çdo vend në rajon; kemi taksat më të çbalancuara në rajon; taksat më të padrejta; nuk është prishur asnjë monopol.
  • Sa vende pune janë hapur? Ka më shumë zyra pune se vende. Po shpërndahen më shumë tesera se vende pune.
  • Konçesionet 300 milionë euro janë reformë në ekonomi?
  • Çmimi i naftës ka rënë në gjithë botën me 100 për qind, kurse në Shqipëri fare, sepse është monopol.
  • A ka ndonjë faj kjo qeveri? Apo për të gjitha e ka Saliu, e djeshmja?
  • Është qeveri mediokre në total.

Për qëndrimet e tij kritike

  • Kur padrejtësia kthehet në normë, mediokritet, banalitet, dhunë, kosto për shoqërinë, reagohet. Këtë po bëj unë.
  • Unë flas pavarësisht se çfarë jam dhe ku jam si post, kam shembull rastin e 2003-it kur isha ministër. Unë flas në çdo vend njësoj, në mbledhje, parlament, asamble, kongres.
  • Unë mund të jem gjithçka, por, mes mediokritetit nuk jetoj dot.
  • Unë dua të  ndryshoj metodën e qeverisjes, jo ta nxjerr PS-në në opozitë.
  • Unë dua të kandidoj për kryetar të PS, jo për kryeministër. Gara në statut thotë për kryetar, jo kryeministër.

Për gjendjen e vendit

  • Mënyra se si po shkojnë gjërat në Shqipëri nuk është e mirë. Shqipëria po çpopullohet, po bëhet më e vogël.
  • Sistemi politik është i kapur, monopolistik, i kapur deri në palcë. Ai nuk i krijon mundësi brezit të ri.
  • Shqipëria qeveriset nga njerëz delirantë prej 25 vjetësh, njerëz që i thonë popullit dembel e parazit.
  • Në qoftë se Shqipëria nuk arrin të nxjerrë të varfërit nga varfëria, Shqipëria nuk bëhet për 20 vjet.
  • Për bilanc ekonomik, Shqipëria është në prag të një krize të re ekonomike, e cila ka 20 vjet që përgatitet dhe ka 3-4 vjet që nuk po merret kthesa.
  • Problemi themelor është arsimor në rradhë të parë. Në Shqipëri fëmijët arsimohen shumë keq. Injoranca po kthehet në fe, ai mediokritet ka dalë nga këto shkolla.
  • Në Shqipëri shtresa e mesme është jetime.
  • Kemi pagën më të ulët në rajon. Një shqiptar në krahasim me një maqedonas e kroat është një skllav, punon si një skllav.

Për të ardhmen

  • Nuk kam humbur shpresën që Shqipëria mund të qeveriset nga njerëz jodelirant.
  • Ky vend shumë shpejt do të gjejë frymëzimin për t’u mirëqeverisur, tek një forcë e re, tek të rinjtë, tek këto që po bëjnë protesta të vogla sot.
  • Mendoj që Shqipëria ka nevojë për lëvizje a parti të reja, por unë jam akoma pjesë e PS.EXIT
Vazhdo leximin
Kliko të komentosh

Duhet të jeni i kyçur në mënyrë që të mund të lini një koment Kyçu

Përgjigju

MË TEPËR

Mix16 orë më herët

Sa fruta duhen konsumuar në ditë? Mos e teproni duke thënë se janë të shëndetshme

Me ardhjen e muajve të verës, frutat më të njohura të stinës zënë vendin e tyre në frigorifer. Pavarësisht nëse...

Mix16 orë më herët

Eva Longoria: Do doja ta dinin të gjithë si është Victoria Beckham

Eva Longoria është një mike e vjetër e stilistes, Victoria Beckham, ku së fundmi ka treguar se si është ajo...

Mix16 orë më herët

Lëngu i pjeprit: Zgjidhja e freskët për rënien nga pesha!

Pjepri është nga frutat më të pasura me ushqyes të dobishëm për shëndetin e njeriut. Ai është i pasur me...

Radar16 orë më herët

Edi Rama i drejton vetë ndjekjet penale dhe hetimet që bën SPAK

Avenir Peka: Edi Rama drejton vetë ndjekjet penale dhe hetimet që bën SPAK Drejtuesi i departamentit të Sigurisë në PD,...

Radar1 ditë më herët

4 vite gënjeshtra të Ramës për gjobën e Beketit

Për vite me radhë kryeministri shqiptar i ka thënë vazhdimisht publikut, se asnjë lek i taksapaguesve shqiptar nuk do të...

Mix1 ditë më herët

Universitetet më të vjetra në botë, të cilat janë ende sot në funksion

Universitetet më të vjetra në botë të cilat janë ende në funksion sot janë: 1. Universiteti i Bolonjës – Itali...

Radar1 ditë më herët

Qumështi i importit rritet me 28%, ‘zhduket’ prodhimi vendas

Qumështi i importit rritet me 28%, ‘zhduket’ prodhimi vendas Në tregun vendas është zgjeruar pesha e qumështit të importuar, duke...

Radar1 ditë më herët

Donald Trump kryeson thellë ndaj çdo rivali republikan – Sondazhi

Ish-presidenti Donald Trump po udhëheq çdo sfidues të mundshëm republikan jo vetëm në një grup hipotetik, por kokë më kokë,...

Kioske2 ditë më herët

Sa është norma e korrupsionit në Shqipëri?

Operacioni i fundit i SPAK, si dhe rasti tjetër në gjykim, ai i incineratorit të Elbasanit, sugjeron se norma e...

Radar2 ditë më herët

Joe Biden nuk është i aftë për të rikandiduar

“As fizikisht, as mendërisht”, doktori i Obamës: Biden nuk është i aftë për të rikandiduar Një ish-doktor i Shtëpisë së...

Facebook