Rama mbërrin me vonesë dhe me atlete

“PS për Shqipërinë e gjeneratës tjetër”.

Me këtë moto, socialistët shqiptarë i hapën udhën punimet të Kongresit të shumëdebatuar.

Në të marrin pjesë 1.460 delegatë, shumica e të cilëve për herë të parë në një kongres.

I pari që foli ishte kreu i Bashkisë së Tiranës, Erjon Veliaj.

“Ne duhet të jemi në lartësinë e besimit që qytetarët na kanë dhënë. Shqipëria na pret në kryet të detyrës pasi të kemi mbyllur diskutimet në shtëpinë tonë dhe shpresoj që nga ky Kongres të dalim më të fortë”, tha Veliaj.

Ndërkohë vetë Edi Rama mbërriti me vonesë në Kongres.

Ai kishte zgjedhur të ishte sportiv; me kostum, por pa krevatë. Dhe me atlete.

Sipas Lapsit, për Kongresin është kujdesur vetë, në detaje, siç bën gjithnë.

Me detajet që tërheq vëmendjen ndaj asaj që dëshiron. Fjalën hapëse ia la të përzgjedhurit të tij, Erion Veliaj.

Prezantimin e “sfilatës” së të huajve që e përshëndetin udhëheqjen e tij të PS dhe të Shqipërisë kush do ta bënte më mirë se Taulant Balla.

Ai prezantoi disa mesazhe, përfshirë edhe atë të Toni Blerit, i cili është kontraktuar nga qeveria shqiptare si këshilltar i Edi Ramës.

Edhe Bler e lavdëroi nominalisht Ramën.

Kjo ishte nisja e Kongresit.

Pak minuta para Ramës mbërriti një prej socialistëve më të vjetër, tashmë i ndarë prej kësaj partie, kryetari i Kuvendit dhe kreu i LSI-së, Ilir Meta.

Kongresi i kësaj force politike nisi me ekzekutimin e himnit kombëtar.

Ndonëse kanë pasur një ftesë mungojnë figura si ish kreu i PS-së Fatos Nano dhe ish- Presidenti Rexhep Meidani.