Është pras ky u çuno, po ta mbaj prasin unë në ajër? Të fluturoj me pras nona?

Rastin e nënë Zyles, e cila u bë e famshme në rrjetet sociale pas gjobës së marrë nga policët e Bashkisë sepse po shiste në trotuar tek rruga e ‘Myslym Shyrit’ e kanë sjellë aktorët e humorit në Portokalli këtë të dielë, ku i ftuar ka qenë edhe vetë kreu i Bashkisë Erion Veliaj. Ata kanë shkëmbyer batuta me njëri-tjetrin, në kuadër humoristik.

Ja disa prej tyre:

Erioni: Nënë Tixhe si je?

Aktori: Qyqa ky spidermani

Erioni: Në fakt supermeni

Aktori: Mbas dere paske qenë ti a si?

Erioni: Më thuaj cfare halli ke?

Aktori: Hajde ta lë një vend për fiq nona, te mbaj mend te vogel, kaq ke qene, kur shisje fiq.

Erioni: Kam pas shit fiq po i kam shit tek tregu.

Aktori: Më kanë vu gjobë ata të bashkisë tate, gjoja që isha duke shit në trotuar.

Erioni: Po ti ku ishte duke shit?

Aktori: Në trotuar.

Erioni: Po kjo këtu është hapësirë publike.

Aktori: Është pras ky u çuno, po ta mbaj prasin unë në ajër? Të fluturoj me pras nona?

Erioni: Nëse fillojmë ti me pras, unë me fiq..

Aktori: Aaa, fillove tu ma lujt më duket tani, shyqyr që s’kam qenë duke shit pjeshkë.

Erioni: Nëse ti fillon me pras unë me fiq, ndonjëri me pjeshkë, po shkoi kjo punë kshu, ku shkon Tirana kshu?

Aktori: Në Kamzë…Dua të më anullosh gjobën.

Erioni: Unë mund të gjej zgjidhje tjetër por gjobën se anulloj dot, kësaj heree do ta paguaj unë gjobën.

Aktori: Urdhëro gjobën e bashkisë, fatura e ujit, e dritave dhe e internetit.

Erioni: O Tixhe, unë thashë vetëm gobën jo gjithë shpenzimet.

Aktori: U ka hap llafi që paguan gjoba ti është bërë rradha atje në katund kush e kush të vijë ti paguash gjobën ti.

Erioni: Do shkojmë nesër në treg..

Aktori: A jo, do vijnë ato të PD nesër.

Erioni: Pasnesër.

Aktori: Jo, pasnesër më ka bërë ofertë LSI-ja.