Inxhinierët e “Samsung” kanë vërtetuar se do të bëjnë revolucion në fushën e teknologjive të avancuara. Ata kanë parashikuar të shmangin aksidentet që vijnë si pasojë e parakalimeve në rrugë, duke instaluar kamera dhe ekrane speciale prapa kamionëve.

Kjo teknologji i lejon shoferët të kenë një pamje të plotë dhe të qartë të situatës së trafikut para kamionit, duke siguruar që ata të veprojnë siç duhet dhe të mos ndërmarrin rreziqe.

“Kamionët e sigurisë” do të kenë kamera me Wireless para dhe 4 ekrane kundër ujit dhe pluhurit në pjesën e prapme të tyre.

Sipas “Samsung” testimi ka qenë i suksesshëm dhe presin që kjo zgjidhje relativisht e lirë të përhapet globalisht në vetëm disa muaj.