Kush e katandisi Tiranën kështu?

Një seri fotosh të realizuara me dron pak ditë më parë me kënd pranë Parkut të Madh të Tiranës tregon se kryeqyteti i Shqipërisë është asgjë më shumë se sa një bllok i stërmadh pallatesh ku hapësirat e gjelbra duken si njolla të vockla dhe drejt zhdukjes.

Fotot tregojnë se tashmë në Tiranë hapësirat e pandërtuara janë të kufizuar te Parku i Madh i Tiranës, Parku Rinia dhe sipërfaqet që zënë dy stadiumet, ai Qemal Stafa dhe Selman Stërmasi.

Në zonën përgjatë digës së liqenit Artificial, gjenden gjithashtu pak njolla të pazëna, tani për tani me pallate, ndërsa kopështi Botanik dhe kopështi Zoologjik tashmë dallohen se janë dy njolla të vogla të gjelbra të rrethuara gjithashtu me pallate.