Kryesore
Të papunë në Britani, pasanikë në Rumani
Në pamje të parë ngjan si një qytet i vogël ku jetojnë familje të pasura. Me shtëpi shumëkatëshe plot ngjyra dhe makina të shtrenjta të parkuara në oborr, banorët e Tandareit në Rumani të krijojnë idenë se kanë punuar fort për të arritur aty ku janë. Por në fakt e vërteta është krejt ndryshe.
Paratë vijnë nga sistemi britanik i mbështetjes sociale ose vjedhjet e kryera me anë të bandave të mirëfillta që operojnë kryesisht në Londër.
Sipas të dhënave të “Skcotland Yard”-it, më shumë se 100 shtëpi në Tandarei janë ndërtuar me para të fituara në mënyrë të paligjshme në Britaninë e Madhe.
Tandarei ndodhet 100 milje në lindje të Bukureshtit. Qyteti i vogël ka ndryshuar rrënjësisht në 10 vitet e fundit. Më shumë se 300 makina “BMW” dhe versionet më të fundit të “Volkswagen”-it qarkullojnë në rrugët e tij.
Ato janë siguruar me të ardhurat e taksapaguesve britanikë, përmes përfitimit të paligjshëm nga sistemi i mbështetjes sociale.
Shumë prej tyre kanë krijuar banda të mirëfillta hajdutësh, të cilët vjedhin në trena e metro, ndërsa të tjerë kanë organizuar rrjete lypësish.
“Jam i kënaqur që ata ndodhen jashtë vendit në këtë moment. Kur kthehen, nuk mund të dalim jashtë pasi bëhet natë. Është shumë e rrezikshme dhe gjithmonë përfundoj në shtëpi pa portofol.
Kur ata kthehen, duan të jenë të gjithë bashkë. Familja është gjithnjë në rritje. Ka një thënie se “kur tre ciganë shkojnë në Britani, bëhen 10 kur të kthehen”. Ata duan familje të mëdha sepse kështu mund të përfitojnë atje. Ata e dinë shumë mirë këtë dhe këshillojnë shpesh njëri-tjetrin. Ja pse kanë kaq shumë para”, thotë një banor i përhershëm i zonës, i cili shton se me atë ardhurat në vend nuk mbyll dot muajin.
Duhet të jeni i kyçur në mënyrë që të mund të lini një koment Kyçu