Benzema, versioni “rap” që zemëron spanjollët

Karim Benzema ka humbur vendin në kombëtaren franceze për shkak të problemeve të mëdha që ka pasur muajt e fundit dhe të një hetimi që vazhdon ende, por duket se sulmuesi i Realit nuk e vret shumë mendjen.

Tani sulmuesi është shfaqur në një video të një rapperi francez, Booba, me të cilin është shumë mik, ashtu si futbollisti i PSG-së, Lajvin Kurzaua, i cili gjithashtu është në video.

Ndonëse Benzema shfaqet shumë pak në video, në Spanjë mediat e kanë bërë të madhe dhe kanë kritikuar ashpër Benzemanë, pasi videoja përmban armë, drogë e dhunë.

Gjëra të tilla po e shqetësojnë shumë Realin, që po mendon edhe shitjen e sulmuesit në verë.