Kioske
Nuk është kurrë vonë për t’u bërë nënë.
‘U ndjeva se rilinda përsëri kur e mora në duar’, është shprehur Aurela Gaçe.Grace, ‘Hiri i Perëndisë’ është fëmija e parë për të, lindur nga dashuria me bashkëshortin e saj, Skerdin. Grace erdhi në jetë më 13 nëntor të 2011-ës.
Inis Gjoni u bë nënë për herë të parë në dhjetor të 2011-ës. Ajo solli në jetë një vajzë, të cilën do ta quante Coco Antonel.
Aktorja Erjona Kakeli solli në jetë fëmijën e parë me bashkëshortin Salsano Rrapi, në janar të 2016-ës. Një dashuri prej rreth 10 vitesh mes tyre, do të kurorëzohej me një vajzë.
Në 30 nëntor 2015, Rudina Magjistari solli në jetë fëmijën e saj të parë. Vajza e quajtur Mia erdhi në jetë nga dashuria e moderatores me kampionin e kick box-it, Xhavit Bajrami. Ajo ka marrë një pushim nga ekrani për t’iu përkushtuar vajzës së saj, së bashku me partnerin.
Amaris erdhi në jetë në 5 nëntor 2011. Moderatorja e njohur lindi fëmijën e saj të parë, një vajzë e cila e mbushi me dashuri ‘sa për dy’, siç ka thënë Sonila Meço.
Aktorja e njohur korçare ka luftuar shumë për të pasur një fëmijë. Edhe pse priti më shumë se ç’do të kishte dashur, vajza e lindur në moshën 40-vjeçare i solli hare dhe i ngjalli dashurinë mëmësore. Ajo thotë se së bashku me bashkëshortin, Benin dhe vajzën Enira, tashmë 13 vjeç, janë më në fund një familje e plotë.
Melody do ta quante Ilva Tare fëmijën e saj të parë, një vajzë të lindur nga dashuria e saj me deputetin Eduart Selami. Ajo erdhi në jetë në 1 korrik 2015.
Në maj 2012, sopranoja e famshme Inva Mula solli në jetë fëmijën e parë nga martesa me Hetem Ramadanin. Vajza e quajtur Nina, si nëna e Inva Mulës, tashmë ka mbushur 4 vjeç. Inva ka edhe një djalë 21-vjeçar, Anthony, nga martesa me ish-bashkëshortin, Pirro Çako.
Në 25 korrik 2014 Linda Rama, bashkëshortja e kryeministrit Edi Rama, solli në jetë fëmijën e tyre të parë, Zaho Rama. Shtatzania dhe lindja e tij ishte një surprizë për të gjithë; Linda dhe Edi Rama preferuan të mos e shikonin gjininë e fëmijës deri në ditën kur ai lindi.
Thuhet se mosha më e ‘shëndetshme’ për t’u bërë nënë është 20-30 vjeç, kur fertiliteti është në kulmin e tij dhe rreziku është më i vogël se në moshat më të vona. Megjithatë, ekspertët veçojnë se sa më e pjekur të jetë një grua, aq më e vetëdijshme është ajo si nënë, ndaj të sjellësh në jetë një fëmijë pas moshës 35-vjeçare, ka shumë përparësi.
Si grua, e kupton më mirë ç’do të thotë të rrisësh një njeri, ta edukosh, t’i kushtosh kohë; trupi yt rigjenerohet dhe sipas studimeve, një shtatzani mbi të 30-at mund të ndikojë në kohëzgjatjen e viteve të ciklit menstrual.
Duke lënë pas shkencën, i kthehemi klishesë më të dashur: nëna mbetet nënë, në çdo moshë e kohë. Në galeri kemi renditur disa nga nënat e famshme shqiptare, të cilat kanë sjellë një fëmijë në jetë pas moshës 35-vjeçare./Anabel
Duhet të jeni i kyçur në mënyrë që të mund të lini një koment Kyçu