Publikohen fotot e para të iPhone 7

Një fotografi e publikuar online në rrjetin social kinez Weibo, ka tërhequr vëmendjen e miliona përdoruesëve duke qenë se mendohet të jetë imazhi i iPhone 7. Siç raporton një nga faqet eksperte të teknologjisë, ky është i vetmi imazh i mirëfilltë i smartphone-it të shumëpritur, duke qenë se iamzhet e tjera konsistonin kryesisht në vizatime skematike. Megjithatë, ende nuk është konfirmuar zyrtarisht që imazhi të jetë i një iPhone 7.

Por bazuar në informacionet që kanë rrjedhur në javët e fundit, pjesa më e madhe e detajeve përputhen. Vijat e fshehura të antenave që janë në pjesën e sipërme dhe jo në atë të pasme, janë përfolur edhe më parë ndërkohë që pozicionimi i kamerës në cepin e sipërm përputhet me imazhet e para. Gjithsesi, të gjitha pyetjet për modelin e ri të Apple do të shuhen në shtator, kur iPhone 7 do të dalë në treg për të gjithë publikun./Independent/