Bajerni i Mynihut prezanton dy blerjet e reja

Bajerni i Mynihut ka zhvilluar dje një stërvitje të hapur për publikun, ku ka prezantuar edhe dy blerjet e reja për sezonin e ardhshëm. Mat Humels dhe Renato Sançez i janë bashkuar skuadrës së drejtuar nga Karlo Ançeloti.

Të dy futbollistët pritet të jenë përforcime të rëndësishme për kampionët e Gjermanisë, të cilët do të luftojnë, si për marrjen e Bundesligës, ashtu edhe për Ligën e Kampioneve.

Spektakli i ofruar në stërvitjen e hapur të Bajernit është ndjekur nga një numër i madh tifozësh.