Në Kosovë dikton rruga. Tërhiqet ligji për demarkacionin me Malin e Zi. Mustafa: “Nuk ndryshojmë marrëveshjen”

Parlamenti i Kosovës ka dështuar sot në ndjekjen e axhendës zyrtare, në pikën ku do të diskutohej marrëveshja e demarkacionit me Malin e Zi. Kryeministri Isa Mustafa deklaroi se tërheqja e ligjit bëhet për shkakt të presionit mbi deputetët dhe për faktin se nuk janë kushtet përbtë diskutuar një çështje kaq të rëndësishme.

“Si kryeministër konsideroj se sot nuk janë rrethanat dhe nuk është situatë ku duhet të votojmë ligjin për ratifikimin e marrëveshjes me Malin e Zi. Qeveria e tërheq sot këtë projektligj nga procedura kuvendore. Me bashkëbisedim do të provojmë të gjejmë një marrëveshje në lidhje me ligjin. Nuk është mënyra e duhur që të procedojmë me këtë ligj kur kemi presione mbi deputetët. Tërheqja e këtij ligji nuk do të thotë se do të ndryshojmë marrëveshjen mirëpo do ta procedojmë në Kuvend kur qeveria e vlerëson se është gati”, ka thënë Mustafa.

Media të ndryshme raportojnë se shkak për këtë tërheqje u bë mosprezenca e deputetëve të Listës Serbe, ndërkohë që përfaqësuesi i Ardhëmërisë për Kosovë, Daut Haradinaj, deklaroi se nuk është e nevojshme prezenca tyre për të arritur kuorumin.
Përballja për këtë temë ka edhe anën e vet komike me deputetët e Vetëvendosjes që shpallën sot fitore dhe ruajje të tokës së Kosovës.