Hera e parë/ Berisha e quan “Gërdecin” krim shtetëror

Ish-kryeministri Sali Berisha, për herë të parë, ka pranuar dhe e ka cilësuar “Gërdecin”, krim shtetëror. Duke debatuar me deputetët socialistë në sallë, ish kryeninistri tha se ndryshe nga ngjarja ku humbi jetën 17 vjeçari në Sharrë, në rastin e Gërdecit qeveria mori përsipër çdo pergjegjësi duke dëmshpërblyer çdo banor apo familje të prekur nga shpërthimi.

Qytetarët sipas tij përballen çdo ditë me fatkeqësi, por kur fatkeqësitë janë të lidhura me qeverinë, qeveria duhet të mbajë qëndrim.

Gjatë kohës kur ish-kryeninistri akuzonte,  deputeti  Taulant Balla, tundte para tij librin “War Dogs” i cili flet për trafikun e armëve dhe trajton çështjen e shpërthimit të fabrikës në Gërdec

I menjëhershëm ishte reagimi i ministrit të brendshëm Sajmir Tahiri  i cili tha se s’mund të marrë moral nga një vrasës.

Tahiri dhe Berisha debatuan për situaten e kultivimit të bimëve narkotike. Ish-kryeministri tha se kjo qeveri i ka bërë më keq vendit se sa pushtuesi. Sipas tij vetëm  këtë javë ka 4 shkrime në mediat botërore për lidhje të zyrtarëve shqiptarë me bandat e narkotrafikut, por Tahiri tha se shkrimet sponsorizohen nga opozita.