Real Madridi, skuadra me fitime më të larta në botë

Sipas raportimit të fundit financiar, Real Madridi është konfirmuar si klubi sportiv që fiton më shumë.

Përgjatë sezonit 2015-2016, gjigantët spanjollë kanë arritur rekord të ardhurash me rritje 7.4%, ose 620 milionë euro.

Për të njëjtën periudhë, fitimet e Barçës u llogaritën në 679 milionë euro, por përfshinin rreth 70 milionë euro në shitje lojtarësh, gjë të cilën nuk e ka bërë Real Madridi, ndërsa United bëri të ditur se të ardhurat e klubit ishin 570 milionë euro në shtator.

Për më tepër, Los Blancos kanë paguar 96 milionë euro borxhe, edhe pse fitimi i tyre i përgjithshëm ka rënë në 22.5%, nga 55.9 në 43.3 milionë euro.

Të ardhurat operative përpara shlyerjes dhe transferimit të lojtarëve janë rritur në 163.2 milionë euro, që është shifra më e lartë e arritur nga një klub sportiv.

Balanca e të ardhurave është rritur me 102,6 milionë euro, duke arritur në 211.5 milionë euro, falë likuiditetit të gjeneruar nga shkurtimi i shpenzimeve.

Burimi: Daily Mail