Presidenti i ri?

Kryeministri Edi Rama postoi një fotoalbum nga hapja e “Hotel Plaza” në Tiranë.

Mes fotove të postuara prej tij është edhe një foto e paraardhësit të Ramës, Fatos Nanos.

Nano nuk është parë në publik prej shumë kohësh.

Ndërkohë, bie në sy se shumica e komentuesve thonë se “Nano do jetë presidenti i ri”.

 

“Dje në ceremoninë e çeljes së Hotel Plaza, një vepër më shumë në koleksionin e perlave të arkitekturës bashkëkohore europiane; e vlerësuar ndërkombëtarisht nga Muzeu i Artit Modern të Nju Jorkut, si një ndër 10 godinat më mbresëlënëse që janë ndërtuar në 10 vitet e fundit; e ekspozuar si maket në vendin e nderit, në Bienalen e arkitekturës në Venecia që është platforma më prestigjioze e shfaqjes se arkitekturës botërore.

Kjo vepër është tanimë pjesë e peizazhit të kryeqytetit, një prani e bukur, shumë tërheqëse dhe jo vetëm kaq, por edhe nxitëse për imagjinatën e kujtdo që e sheh,” shkruan Rama në FB.

Njëri prej komentuesve, teksa e cilëson Nanon kryemafioz, i shkruan Ramës se tashmë PS mbaroi përfundimisht.

Replikat

Qytetari: Mooos i qenka bashkuar grupit Nano kryemafjozi? Mbaroi PS perfundimisht!

Rama: Si s’ju vjen aspak zor me te tilla marrezi po si ka mundesi qe te flitet kaq se prapthi e krejt pa lidhje o Edmond?!

Qytetarja: Koha e nanos ishte si ishte po koha juaj Edi po me ben pershptypje.

Komentuesja: Sh e bukur per ty edhe shoket e tu dhe popullit tend qe si ka ngelur gje vetem te shijoj arkitekturen.

Rama: Nuk e kupton vertet Haire se ne fakt kjo eshte e bukur per te gjithe dhe zhvillime te tilla jane ato qe duhen per popullin, te cilit kujtoni gabimisht se i qani hallin kur flisni ne emer te tij gjera pa lidhje?! S’eshte aspak e veshtire per t’u kuptuar dhe problemi i vertete eshte qe te ndertohen sa me shume vepra e sipermarrje te tilla me vlere te rendesishme urbane, ekonomike e sociale.

Komentuesi: Ndertesa eshte e bukur dhe mbreslense nuk ka dyshim. Por eshte ne vendin e gabuar dhe pa kurfare shije me piesen perrethe. Ngjason si nje gjigande mes disa njerve te vegjel dhe te moshuar.

Rama: Kjo eshte ceshtje kendveshtrimi Besi, dhe ne kete rast kendveshtrimi yt eshte i gabuar!

Komentuesi: Kjo esht jeta e te pasurve hallall ju lumt. Ne fukarejt ca te bejm.

Rama: Me gjithe ate veture qe paske Albi nuk je as fukara as mund te besh zedhenesin e fukarenjve, nderkohe qe duhet ta mesosh se varferia nuk luftohet po nuk pati sa me shume njerez te pasur dhe sa me shume zhvillime te tilla!