Juventus, sa shumë kushton!

Juventus është në krye të renditjes së një klasifikimi special të kompeticionit më prestigjioz në Europë: çmimet minimale të një bilete në Juventus Stadium për një ndeshje Champions League, janë në fakt më të shtrenjtat në Europë, krahasuar edhe me Barcelona-n, Arsenal-in dhe Leicester City. Ky përfundim ka dalë nga një studim i shoqërisë së basteve Spreadex, që tregon në sterlina gjithë çmimet minimale për të ndjekur në stadium një ndeshje Champions. Më e lira? Dinamo e Kievit, e cila është në grupin e Napolit.

Itali, sa shumë kushton!

Sipas Spreadex, kostoja bazë e një bilete për të rritur në Juventus Stadium për të parë një ndeshje Champions, është 39 sterlina, rreth 45 euro. Kjo shifër është rreth dhjetëfish më e lartë se sa ajo që duhet të paguash për të hyrë në Dynamo Lobanovs’kyj në Kiev: 4 sterlina, rreth 4,60 euro. Në rang kampionati, Italia është në vend të parë, duke marrë mesataren e vlerave të bardhezinjve dhe të Napolit. Në San Paolo, kosto minimale është 34 sterlina me napolitanët në vend të gjashtë në këtë klasifikim të veçantë. Napoli është në qendër të polemikave edhe për biletën e shtrenjtë në kampionat, e njëjta situatë është edhe për ndeshjet e Kupës.

Bashkëjetesa mes Bayern e PSG

Barcelona renditet pas Juventus-it në vend të dytë (38 sterlina), Arsenal-in (37), Leicester (35) dhe Sevilja (34). Mes të mëdhenjve, stadiumi që kushton më pak është “Parc Des Princes” i Paris SG, bileta e të cilit është minimumi 24 sterlina. Relativisht të mira janë edhe çmimet në Etihad Statium të Manchester-it dhe Allianz Arena të Mynihut, me 25 dhe 26 sterlina respektivisht – sipas studimit. Ndërsa kostoja mesatare është 26 sterlina, rreth 30 euro.