Studenti shqiptar përmirëson Instagramin

Një student i shkencave kompjuterike është shpërblyer nga rrjeti social “Instagram” pasi ndihmoi në përmirësimin e këtij të fundit. Benjamin Gecaj, një student i vitit të parë me origjinë nga komuna Skënderaj në Kosovë, ia ka dalë që të gjejë gabime dhe mangësi në ruajtjen e sigurisë së përdoruesve në Instagram. Këto gabime ai i ka raportuar tek kompania e njohur botërisht, e cila ka falenderuar Gecaj për ndihmën e tij duke e shpërblyer me plot 25 mijë dollarë. Vetë Gecaj mësohet të ketë thënë se për disa muaj rresht ka testuar mangësitë dhe gabimet e Instagram-it dhe i ka raportuar tek kompania. Ata aprovuan testimet, si dhe e shpërblyen me një shumë të konsiderueshme parash, që pret t’i marrë në ditët në vazhdim”.