Imagjinojeni veten në një zyrë, ku bordi drejtues i kompanisë ku punoni po mban një mbledhje të rëndësishme. Ju vjen të teshtini, por pa kuptuar si, e mbani atë. Për shumë prej nesh, ky veprim konsierohet si jo etik dhe e ndalojnë pa e kuptuar sa dëm i bëjnë trupit. Të mbash teshtimin është e dëmshme për shëndetin. Ky proces mundëson nxjerrjen e mikrobeve jashtë nga mukoza e hundës me një shpejtësi prej 160 km/h. Nëse ju e mbani atë, presioni që ushtrohet në brendësi të kokës është tepër e dëmshme dhe prek si aparatin e dëgjimit ashtu dhe shikimin. Mund të zhvillojë dëme të pariparueshme dhe trauma në daullen e veshit duke shkaktuar në rastë të rralla hemorragji apo shurdhim. Gjithashtu ky presion do të ndihet dhe pas syve tuaj duke ju krijuar ndjesinë sikur po ju buçet koka. Të teshtish është njerëzore ndaj mos mbani asnjëherë atë.