Samsung mbyll “kapitullin” e Note 7-ës

Në përpjekje për ta larguar nga qarkullimi njëherë e mirë, Samsung lançoi një sërë fushatash ku premtonte zëvendësimin e Note 7, falas. Java e ardhshme është një javë e madhe për Samsung. Gjigandi korean do të prezantojë atë që shihet si “shpëtimi i kompanisë” pas tragjedisë së Galaxy Note 7-ës.

Ky i fundit vazhdon të jetë një hije për Samsung, por jo për shumë kohë. Ditën e premte gjigandi i elektronikës tha se do ti japë fund njëherë e mirë kësaj sage me një përditësim sigurie i cili bllokon ngarkimin e baterisë së telefonit.