Ju bëni ‘selfie’ sepse ndiheni të vetmuar, thonë ekspertët

‘Selfie’ konsiderohet si një trend i kohëve të fundit, ku gjithçka fillon me një shkrepje të thjeshtë në rastet më normale të mundshme, e duke përfunduar më pas në një ‘obsesion’ për të bërë sa më shumë foto, dhe për të dalë sa më perfekt.

Por, çfarë mendojnë ekspertët në lidhje me këtë?

Ekspertët thonë se personat të cilët bëjnë foto të vetes së tyre vazhdimisht, i bëjnë me qëllim që të marrin aprovimin e të tjerëve.

Shumë persona kthehen në njerëz ‘të fiksuar’ pas selfie-ve dhe janë të prirur të bombardojnë profilin e tyre në instagram, por jo vetëm, me foto të tyre. Këto persona e kanë të pamundur ta shtyjnë një ditë pa bërë selfie në destinacione të ndryshme, sipas ekspertëve.

Shkencëtarët kanë paralajmëruar se personat që bëjnë shumë ‘selfie’ konsiderohen si të vetmuar. Kjo mund të sjellë probleme në shoqëri dhe shpeshherë probleme mendore.
Lideri i disa studimeve lidhur me çështjen në fjalë, Dr Peerayuth Charoensukmongkol, Bangkok thotë: “Jo vetëm që individët bëhen të fiksuar duke bërë selfie, dhe priren të mendojnë se jeta e tyre personale dhe mirëqenia psikologjike janë dëmtuar, por gjithashtu ata mendojnë se cilësitë e marrëdhënieve me të tjerët janë zhvlerësuar.”

Psikologë të tjerë shprehen se kjo sjellje mund të vijë edhe si pasojë e ankthit.

“Ankthi ndodh rëndom të jetë arsyeja se pse personat që pëlqejnë të fotografojnë veten e tyre, fokusohen më shumë te kjo e fundit dhe shfaqin interes më të paktë për personat e tjerë”, shton Dr Charoensukmongkol.