Ish-kompania shtetërore e sigurimeve INSIG, e privatizuar në vitin 2016 nga Z.Kadri Morinaj, kohë kur u bë edhe pjesë e Grupit EUROSIG, ka njohur vetëm rritje. Statistikat zyrtare të Autoritetit të Mbikqyrjes Financiare (AMF) e nxjerrin kompaninë INSIG me rritje të ndjeshme në përqindje, në 2 muajt e parë të vtit 2017, krahasuar me të njëjtën periudhë të vitit të kaluar. Kjo tregon që shoqërisë, e cila po shkonte drejt fundit për shkak të vonesave në privatizim dhe duke qenë institucion shtetëror, duket se po i rikthehet lavdia e dikurshme dhe besimi i klientëve. Këtë e tregojnë shifrat e AMF-së.

INSIG tashmë nuk është një kompani, por është ndarë në dy të tilla, duke veçuar nga njëra-tjetra sigurimet Jetë dhe Jo-jetë.

Sipas të dhënave të AMF-së, INSIG JETË në muajt janar dhe shkurt 2017, zë 6.97 % të tregut të sigurimeve të jetës, ndërkohë që në të njëjtën periudhë të vitit të kaluar, kishte 5.77 %. Ndërsa INSIG JO-JETË në këta dy muaj zotëron 7.27 % të tregut, ndërsa vitin e kaluar, në të njëjtën periudhë të vitit 2016, zinte 5.66%.

Sipas drejtuesve të kësaj kompanie dhe Presidentit të EUROSIG GROUP, Kadri Morinaj, rritja e ndjeshme e dy shpoqërive INSIG, ka ardhur si rezultat i përmirësisë së shërbimit, cilësisë ndaj klientëve, zgjerimit të klasave të sigurimit, zgjerimit të stafit dhe punës së përditshme për t’i kthyer shqiptarëve besimin tek kjo kompani./iMarket